S和J 的網上日記

今日好開心

2009-02-15T23:34:00.002+08:00

早上我第一次用咩帶咩住女女，同老婆出街食早餐。女女面向街，佢全程好開心，不停睇街，我好有成功感。

之後，同我媽、老婆女女去搭MTR行商場，因為今天的天氣又濕又熱，行商場舒服好多。

之後返家，再去買野包餃子。

晚餐之後，又同老婆出去買plant，二人行下街，chit chat 下。

簡簡單單的一日，但令我好開心，好有家庭warm feel。

好耐無寫新blog了

2009-02-15T23:30:00.002+08:00

自從買左iPhone後，好多時間都用左係佢身上，又因為用iPhone可以非常方便地把相片上載到Facebook上，所以小左好多用呢個Blog。

Facebook始終和Blog不同，Facebook似係更新自己的近況比朋友睇，而Blog就可以比自己發下"up"風。

影相日

2008-12-13T18:44:00.002+08:00

今日特登幫囡囡換上聖誕老人裝，去影下相

去左香港公園同中環IFC

因為天氣好，都幾多人

都係米芝連的錯

2008-12-07T20:55:00.004+08:00

佢話何洪記好食...

自從食過 "麥un記" 後，對呢類食店已經有壞印象，價錢偏高，同現實差成100% 至 200%，水準平平無奇，只係老一代人以前食過，而當時無而家咁多野食，就覺得好好食，

但2000年了，今日香港，大把野食，選擇又多，呢類"老店"真係好食的，我仲未見過，反而扮好食，但，真真高豆，真真貴的，就食過唔小了。

何洪記好食? 算X數把啦，$3X一個雲吞面，湯多油，面小到2啖食完，味道只係正常吧了。

米芝連? 你都係返去評西餐算啦!

幾時到你西人牌子來評香港的中菜?

公公婆婆來睇囡囡

2008-12-07T20:22:00.004+08:00

公公婆婆難得放假，今日來睇囡囡。

因為小見，囡囡見到公公婆婆都會花唔小時間去"認人"。

公公婆婆仲送左面件好靚的衫仔俾囡囡，

下次就穿上去見公公婆婆啦。

又有新玩具啦

2008-12-07T19:48:00.004+08:00

見囡囡成日係床上碌來碌去，又開始想坐起身，

今日就去買左張網床。

囡囡可能因為生保，放佢入去後，佢都係喊。不過希望佢見多d，入多d去，會開始喜歡係入面玩，學坐學企吧。

玩到咁

2008-12-07T19:46:00.002+08:00

係自己張床度打橫打掂，

仲玩埋水泡，

真係喜歡玩!

囡囡今日入港大啦

2008-11-30T17:36:00.002+08:00

囡囡今日入港大啦

入去影相姐。

老婆就正正式式係有香港大學的學位了，恭喜老婆，你真係好叻，一邊返工，一邊大肚，心理生理都一直受住巨大壓力，但都能夠克服，仲順利畢業拿到會計學仕學位，真係好叻!

趁今早天氣好又好太陽，一家人去到港大陸佑堂一帶影相，老婆穿上畢業袍，人地抱公仔抱花，老婆就抱住囡囡，其實，囡囡都算有份同老婆一齊讀書的，當佢仲係老婆個肚入面時。

係港大影完，去左金鐘食野，因為都累，所以無再去香港公園，只係太古廣場的聖誕裝飾影左幾張，就搭車回家了。

囡囡今日長征- 去機場

2008-11-25T20:46:00.005+08:00

今日老婆行畢業典禮，係亞洲博覽館。

一行4個大人，加一架BB車，好彩有優惠車票，每人$48就可以坐機場快線。

先去機場食野，之後我同老婆就搭多一個站，去到我地第一次到的亞洲博覽館。

果然，亞洲博覽館係無野睇無野食的，只有小小的cafe，好彩之前係機場食左...

影幾張相，就入去，再影呀影呀，

台上的人講呀講呀，咁上下到老婆的一個學院了，

企起身，台上人又係講呀講呀，攪掂。

出來，會合囡囡同祖母及傭人，見到朋友，又可以影多幾張相。

跟住就齊齊坐機場快線回家了。

今日係囡囡出街最長途的一次了!

今年早小小放好Xmas tree 同燈飾

2008-11-23T22:54:00.002+08:00

今年係呢間屋第一次放Xmas tree 同燈飾

地方唔同左，又係另一番味道，

最大分別，當然係今年有個新主角，就係我地的囡囡了，

佢眼定定望住時開著左燈及音樂的Xmas tree 同燈飾時，幾得意架!

食、買、行街

2008-11-16T18:30:00.003+08:00

先去金鐘食野，三個人食左八百幾，不過都算物有所值。

之後去買野，三千幾，不過都係對自己身體好d姐，都係自己吸收番，無浪費既。

跟住一家人去行街，先到太古城，再到附近的魚則魚涌公園，囡囡又係行行下訓左，佢真係好喜歡去街訓。

所以，好小可以影到囡囡係街的相片，因為佢多數都訓左。

超好食同抵食的韓國燒烤

2008-11-09T17:06:00.003+08:00

毎人$38加一，lunch set

有肉一份，飯，湯，飲品及甜品各一，仲有成5碟前菜。

肉份量好多，男仔係緊緊食得晒，女仔會食唔晒。最緊要係佢"yip"得好好味，唔係太咸，但有肉味。

飯又係多。

湯好似用韓國泡菜煲咁既，有豆腐同蜆仔，好好味。

甜品為jelly。

有機會要試下佢既晚餐自助餐。

星期日，行街日

2008-11-09T16:17:00.003+08:00

上午先同老婆去行香花徑，天氣好好，帶住收音機行，大約十分鐘就行完了。

之後行過去康怡吉之島，睇下有咩BB的冬天衫，買了幾件，又買了今晚的送，又花了幾佰。

先返家，放下東西，再行去附近食韓烤，好咪，份量多，價錢超值，要搵次來食dinner。

再返家，就同囡囡及姐姐一齊出門，行去維園。

途中風都幾大，去到維園，囡囡都訓了，行左差唔多大半，囡囡先醒過來，抱起佢影下相，幾開心。

返到家又沖了一次涼。

家庭樂咁就係一日了!

女女五個月大了!

2008-11-03T12:59:00.002+08:00

多謝大家關心!

係地下玩

2008-11-02T21:14:00.003+08:00

又係有朋友送的，係一張大大，可以放係地上的玩具，

女女係上面都玩得幾開心，碌來碌去，

睇返blog，上個星期六佢先至第一次表現返身，今日已經非常容易可以自己返到身了，

睇下佢幾時可以爬到吧。

九龍公園遊

2008-11-02T21:05:00.004+08:00

一家人到九龍公園，因為附近有商場，食野同休息都方便。

不過九龍公園無咩影，花花都不及香港公園靚，

行左一陣，去左星光行飲茶，今時今日，係呢度飲茶真係算貴，一碟 XO醬腸粉要$38，不過佢又係真好好風景，同埋招呼週到。

囡囡剛剛識得返身!

2008-10-25T21:08:00.005+08:00

剛剛半個小時前，囡囡表演了"轉身"!

突然姐姐叫我，入到去，原來囡囡剛剛正在哭，可能太有皮氣，一下子發力，就轉了身，

一隻手按住床，另一隻手就俾自己責住，

我叫佢試下拿出俾自己責住的一隻手，唔通佢真係識聽? 3,4 秒後，佢突然真係拿出了俾責住的一隻手，總共用兩隻手按住了床!

佢都幾好力，係咁按住，維持了好幾分鐘，

睇下佢幾時識自己轉返轉頭...

今日去探爺爺

2008-10-25T20:59:00.010+08:00

天氣好，一齊去探爺爺

爺爺見到梗係開心啦，仲有其他朋友見到都開心，個個問"你個孫呀"? "男仔定女仔呀"，

囡囡今日著住"新幹線君"的藍色衫仔，所以俾人當係男仔都唔出奇。

探完爺爺後就去左赤柱行下，食埋野，再搭巴士返屋企。

食手指、食腳指、大冬瓜

2008-10-21T22:01:00.003+08:00

呢排喜歡碌來碌去，最喜歡拿自己的手指腳指玩，

玩完仲放入口，認真dirty!

上山頂

2008-10-19T16:54:00.006+08:00

今日就大野啦，上山頂呀。

今日天氣好，所以好多人，都有好多人帶小朋友，有坐BB車的，有自己行的。

又去左呢度食野，比照山頂其他食野，佢唔算貴了，而且食野同招呼都好好，佢d pizza係即叫即做，由一個 flour dough開始架，放入去bake完再加上生料，又夠薄又夠crispy，好食!但一定唔係pizza hut的 hong kong style咁多料同飽肚。

另外個意大利飯好好味，真係食到有海鮮味。個牛仔肉前菜都好食。

愈坐愈多人，證明都唔係入左黑店。

食完就開始行大運。行完一個round就搭巴車回家了。

一上到車又係唔訓，要週圍睇野，真係八掛。

囡囡食糊仔相

2008-10-18T20:03:00.003+08:00

食左幾日啦，不過一直未有機會影到相，

今日影到啦，

佢好開心喎，好似好喜歡食，仲手舞足蹈笑晒口，

佢而家食一隻叫Healthy Times的brown rice cereal。

食完仲有蛋糕送架

2008-10-17T22:00:00.001+08:00

個蛋糕都幾好食，而且係酒店出品，自己買都要過百掛。

花花都已經返左屋企，用左個靚靚花瓶放好。

而家坐係度用電腦都聞到陣陣花香。

老婆生日快樂!!

2008-10-15T23:21:00.004+08:00

今日有幾樣野開心。

最開心當然係老婆生日啦，第二就係原來老婆的好友，我女女的契媽M，又係十月生日!!

今晚我地去左酒店食大閘蟹自助餐，因為有生日優惠，所以平左，食完仲有一個生日蛋糕拿走，真係又食又拿!

野食ok，唔係超好食，但係咁既價錢我就無投訴了，而且可以由7點坐到10點3，只係酒店食個set dinner咁上下價錢，抵啦。

束花係自己俾錢買，唔係酒店送架 :)

DIY 蛋糕 encore

2008-10-12T22:10:00.005+08:00

有左第一次經驗，老婆今晚用左十多分鐘就做左第二個自制蛋糕，

不過今次加左新意，就係檸檬。

買左一個檸檬，刨皮削，再"jit"檸檬汁。

開好bake mix之後，加入小小檸檬皮削及檸檬汁，

放入查左油的電飯煲，按"cake"制，等二十分鐘，

拿出來，放涼一陣，食得，

食時再加小小檸檬皮削及檸檬汁，又係另一個食法

兩種食法都好好味!

生左BB之後再做返既事 - 行山

2008-10-12T18:25:00.003+08:00

今朝同老婆去灣仔合和，食完野後就向灣仔峽道出發，

同以前一樣，用左十分鐘就行左第一部份，行到寶雲道，

見唔係太累，再向上行，

行到警察博物館，總共用左三十分鐘，同一年前一樣! 一樣無喘氣，好野!

見熱左身，想係山頂行下，就搭15巴士上山頂。

係山頂行左一個圈，就係Burger King食午餐，嘩，佢的包細左咁多既?!?!

今日行左咁多路，好開心，因為個人係好舒服，睇下下個星期係咪又咁有心啦。

老婆自制雞蛋糕

2008-10-06T20:11:00.003+08:00

買左個新電飯煲，

老婆即刻用佢來試下自制雞蛋糕，

做出來，嘩，個樣完全唔似係自制，同係街買一模一樣，

食落，味道又係同街一樣，

超好食!

老婆第一次咁整雞蛋糕，可以有咁高水準，真係好野!

囡囡四個月大啦

2008-10-03T23:37:00.003+08:00

今日係囡囡四個月大，今晚仲可以同埋囡囡契媽一齊食晚飯，真開心。

契媽今晚來，同老婆一齊研究廚藝，整左好好味既漢堡排同海鮮意粉，

契媽仲送左好多靚靚衫仔俾囡囡，多謝晒，

不過契媽第時上來坐就得啦，唔好駛錢買野啦 :)

囡囡明天早就要去打針了!

同外公外婆舅父食飯

2008-10-01T22:25:00.004+08:00

今日就好玩啦，

第一次坐船，去同外公外婆舅父食飯，

出到街，五光十色，到酒樓，人多聲多，十分好玩，梗係唔願訓啦，

回程時係巴士上，玩夠了，就肯訓。

見城食飯

2008-09-27T18:36:00.002+08:00

見城，聽就聽過了，只係知道好貴，

一日，老婆同朋友去食，因為知貴，所以只係食午餐，

果然係正，佢話，係貴，成130至180個set lunch，但魚味又真係鮮好多，有日本師傳係面前即時做，算係咁了。

老婆連漢堡排都整到

2008-09-21T20:31:00.003+08:00

我喜歡食漢堡排，但係街食個好食的漢堡包，都要成百蚊一個，

有日老婆無老師自通，係街市用25買了牛肉，自己整，

味道非常之好，香口，多汁，咬落仲有好多洋蔥粒，好好味，

以後都唔駛去街食了。

第一次自己轉到半身

2008-09-15T21:53:00.005+08:00

唔知係咪囡囡昨日玩得開心，

今晚佢除左多野講外，仲俾左個驚喜我地，

就係，係2008年9月15日晚上8點48分，第一次自己轉到半身。

就算係生左BB，一樣都做得姐...

2008-09-15T20:23:00.002+08:00

呢樣野，生BB之前我同老婆都好多時會做，

幾好玩，又可以係做運動，又有得玩，

不過，自從知道老婆有左之後，至到今日之前，我地都未有再做，因為怕老婆身體未復原，

終於，今日做了，

就係，打乒乓球，

打左兩個小時，都唔錯，幾舒服，

仲係政府免收錢，真係正。

好玩的一日

2008-09-14T22:21:00.002+08:00

先去朋友仔的McDonald's 生日party，

在場成十幾廿個小朋友，非常熱鬧，

跟住過返中環，去左IFC行同休息一下，再去同囡囡的舅公一家，太婆，祖母食中秋飯，四代同堂，很開心。

玩左咁耐，囡囡當然很累了，希望今晚訓覺好吧。

囡囡過左100日啦

2008-09-13T22:54:00.002+08:00

過左100日，過左三個月了。

每晚到時到候，就會要姐姐，爸爸媽媽抱都唔得，都喊。

佢認人愈來愈叻了。

囡囡第一次上酒樓

2008-09-06T22:51:00.002+08:00

今天，得到好朋友幫忙駕車，載我地去赤柱同爺爺講生日快樂，

可能因為見到的事物都很新奇，囡囡全程都無點訓，眼仔碌碌，

就算係車上，同係酒樓咁多人，佢都好好奇地週圍睇野，

都好喎，發現囡囡都可以接受別人抱，唔怕迫生人，可以容易d識朋友。

Sam, Amy, 好多謝你地!

囡囡三個月大了

2008-09-03T23:55:00.004+08:00

多謝各位好友的祝福，而家囡囡已經係三個月大了，

比起初生時，佢重左，大隻左，又開始學會跟人，同人玩，發皮氣。

今個週末，又會去見祖父，同祖父講生日快樂。

新加坡旅遊 - 相片集3

2008-08-31T22:39:00.001+08:00

Photobucket Album

新加坡旅遊 - 相片集2

2008-08-31T22:38:00.001+08:00

Photobucket Album

新加坡旅遊 - 相片集1

2008-08-31T22:36:00.001+08:00

Photobucket Album

囡囡第一次搭港鐵同巴士

2008-08-23T23:25:00.002+08:00

今天天氣好，下午一家人去行太古城同吉之島。

用推車推囡囡出街，就係想佢接觸多人聲同係公共地方唔好怕嘈，

果然，佢俾週圍的各樣新奇好玩的事吸引住，

最後，佢都頂唔住眼訓，係巴士上，係我媽的抱抱中，訓左 :)

我地的BB女

2008-08-22T23:58:00.001+08:00

Photobucket Album

醃篤鮮

2008-08-17T21:59:00.002+08:00

醃篤鮮

當初自從同老婆拍拖，好多時去食上海菜都會叫一個叫做醃篤鮮的湯。

呢個湯係一個由各種不同的豬肉，加一種叫做百頁的豆腐製品，一齊煲成的湯。同老火湯唔同，佢的好味唔係清清的鮮味，而係由各種豬肉的咸香所加埋的。

老婆今晚就把呢個咁好味的上海湯帶到了自己家，佢做的呢個篤鮮，無論味道同賣相，都比街上的店所賣的更好! 唔只我咁諗，連我媽都係咁話!

朋友送的好好味曲奇

2008-08-04T00:21:00.003+08:00

朋友來探訪，好有心買了好好味的曲奇俾我地食，

一打開，好勁的香味已經湧出來，一食之下，嘩，鬆化到不得了!

見到店名，有小小記憶，係網上睇過，再上去睇下，原來真係有好多人俾左"笑面"的店!

我覺得，仲好食過 Mrs Field's !

女女兩個月大了!

2008-08-03T19:13:00.002+08:00

今早，真係好早，女女就兩個月大了!

想起兩個月前的一晚，同老婆係醫院一齊帶女女來呢個世界的情景，真係值得回味。

朋友如果想睇女女的照片，可到:

http://www.photobucket.com/sjbbgirl

去左Megabox食焗魚咀

2008-07-27T18:41:00.002+08:00

星期五同老婆去Broadway買相機，因為用佢張HSBC卡有9折，慳成$500咁多，好抵。

之後見佢小去Megabox，就搭shuttle bus過去，想起之前同同事食過呢間食河鮮的酒樓，佢個焗魚咀好好味，就打電話去訂位。

去到，唔多人，Megabox個場真係唔太得，太小人了，

叫左三個都係用"煲"去焗的菜: 焗魚咀，檀香骨，芥蘭炒豬肉

焗魚咀 - 最好味，好香，完全唔腥，魚味好鮮
檀香骨 - 似差燒，但好味好多，有好多青紅椒同菠蘿
芥蘭炒豬肉 - 同豬肉一齊炒，令到芥蘭有豬油香味

三個都好好食，兩個人其實係食唔晒，三個人會剛剛好。

買左新玩具

2008-07-26T14:05:00.002+08:00

用卡片機相機影BB，好似真係差小小，對焦唔夠快已經係一個大問題，因為BB成日定唔定，唔容易影得好，又拿經常錯過好的 kodak moment。

的起心肝，買左人生第一部數碼單鏡反光機，係一部入門級，因為唔止自己有無咁好智慧去學用，費事浪費金錢。

用佢影BB，真係好好多，因為反應快好多，而且影出來精細，連BB頭髮都睇得好清楚。

真係無買錯，呎件玩具抵!

一開聲就有得食

2008-07-23T23:29:00.002+08:00

一開聲就有得食

昨天我同老婆講話想食炒公仔面，果然今晚就有得食!

除左炒公仔面之外，老婆仲整左又靚又好味的冷面

好味!

大班朋友來睇雅晴

2008-07-13T23:08:00.002+08:00

今日，多謝多位朋友都好有心，今日來到我地家，睇雅晴同探我地。

同時又更加開心因為有幾個朋友都帶來了好消息，佢地都會係未來數個月便會迎接新生命。

一下子，

好似身邊有好多BB出世 :)

全家三代一齊

2008-07-13T00:18:00.002+08:00

星期六好開心，因為我老豆由護理院出來，一來第一次到我地的新屋，二來同我地飲茶，三來最重要係，來見我的BB女，即係老豆的孫女 :)

老婆煮蟹好好食!

2008-07-11T23:09:00.003+08:00

老婆今日買左兩隻大蟹，

係屋企大顯身手，煮得好好味，連我媽都話正!

第一次同女兒去公園

2008-07-06T09:57:00.003+08:00

尋日，見天氣幾好，同老婆一齊，用新開封的BB車，載住BB女去屋企不遠的小公園去行街街，

不過BB全程都係瞓着左，連街上的車聲人聲都無曹到佢，

一直至到返到屋企，佢都係瞓。

第一次推BB車的感覺好得意，小小的生命就係我手上，同時面對街上無數的大人同大車，更覺得自己要為BB的安全做到最好。

3HK 賣 3G iPhone 的收費已經有了! (3HK tariff plan price information for 3G iPhone)

2008-06-30T15:56:00.001+08:00

3HK 賣 3G iPhone 的收費已經有了!

以下資料來自 3HK 的新聞稿

iPhone 3G月費計劃*詳情如下:

月費數據用量話音通話(分鐘) 內容手機價預付額

計劃基本 / 網內多媒體(M)/文字(T) 8GB 16GB 8GB 16GB

HK$188 500MB 500 500 25 15 HK$2938 HK3738 HK$1742 HK$1722

HK$268 500MB 800 900 40 25 HK$1738 HK2538 HK$2942 HK$2922

HK$328 500MB 1500 1200 50 35 HK$938 HK$1738 HK$3742 HK$3722

HK$498 無限 2200 1500 150 50 HK$0 HK$138 HK$4680 HK$5322

*上述所有月費計劃均包括無限收發網內短訊,客戶需簽訂廿四個月合約。

Godiva 的朱古力，飲

2008-06-29T23:10:00.002+08:00

見老婆生了都差唔多有一個月，就俾佢飲下佢想飲好耐但我唔俾佢飲的，

Godiva 朱古力及 Starbucks latte

Godiva 朱古力飲係第一次，老實講，$42一杯涷朱古力，太貴，我自己係唔接受的，不過老婆想試，咪試下，

試完，結論係，Godiva 朱古力，都係食好味過飲的!

第一次幫BB沖涼

2008-06-29T23:09:00.001+08:00

好多好多的第一次，

換片，餵奶，今天先第一次幫BB沖涼，

見就見過好幾次了，到自己做時，先知BB好喜歡郁來郁去，

見到拿緊兩個小撙頭，緊張成個樣，真係好好笑。

送薑醋

2008-06-16T16:45:00.002+08:00

今天拿住兩份薑醋，先送去TST，再去TW

呢個動作同好多人生大事一樣，都係只有一次

所以我都儘量記住每個細節，包括寫呢個blog，用來日後回味。

仲有半小時就生日

2008-06-14T23:37:00.002+08:00

今年生日就特別了，

因為太太俾左一份最大最甜的生日present俾我，

就係我地的BB女，

而正日又係父親節，

所以真係剛剛好時間!

BB女同我一樣，係6月出世，

咁以後，我地可以一齊Happy Birthday了!

BB名字

2008-06-10T14:55:00.002+08:00

心目中有幾個，

同我父母，老婆父母講過，

short listed 兩個，

我想個名可以feminine多d，一聽起來知係女仔名，

不過仲有唔小時間可以慢慢諗...

俾錢請陪月及外傭

2008-06-10T14:47:00.002+08:00

係咪真係有咁大needs呢?

Well，係。如果經濟上可以的話，by all means，應該請。

陪月而家大約$8000至$10000，外傭$3480。

呢d錢，係辛苦錢，係心機錢，自己唔係做唔到，但有佢地幫手，係好好多，心理上同生理上都係。

新手父母帶BB已經唔熟手，好多野又唔知，有個陪月係度，個心會定好多。

如果真係要洗小d既，我情願係其他地方，好似honey moon咁，洗小d，用來請陪月同外傭，到時一定覺得用得對!

BB的臍帶掉了

2008-06-10T14:40:00.002+08:00

今日係BB出世後第七日

今早陪月同BB沖涼時，發現原來BB臍帶已經掉下了，包左係衫入面。

陪月就叫我留好掉下的部份，話日後可能有用，

Well，我心諗，for 留念都好...

老婆生了! BB 女出世了!

2008-06-03T21:59:00.002+08:00

６月３日早早早上，約2am，老婆經約12小時的辛苦，BB女出世了，

我入左產房陪產，因為我覺得身為丈夫，既然不能夠為老婆分擔生BB之原始痛楚，就只可以係老婆身邊，精神中為老婆打氣，而且，我係出面都係等，倒不如入來，起碼自己親眼睇到發生緊咩事。

老婆，多身你送俾我呢份最大的生日禮物!

BB，希望你身體健健康康，因為呢個花花世界正等待你去親身體會啦!

Untitled from sjbbgirl on Vimeo.

Untitled from sjbbgirl on Vimeo.

老婆個肚

2008-05-12T20:30:00.002+08:00

愈來愈接近6月，老婆個肚就愈來愈大，

而且肚子變緊，胎動的次數及力度都愈來愈大，

檢查過，醫生都話，要有心理準備，BB隨時會出世了，

我地都已經pack好兩個背包，預備了現金，用來搭的士了。

菜飯

2008-05-12T20:16:00.002+08:00

老婆今晚又發揮煮食本色

我地好喜歡食的菜飯

我地買左d台灣香腸，老婆先煎好香腸，再把飯、菜下鑊，炒到咁上就落埋小小上湯，上枱。

味道同係街好似，可能仲好d添，因為有台灣香腸，佢好香口又有咬口，不過都幾貴，$5X一包只有條，一般雞肉腸只係$6一包，一包有成10條架!

之後我先知，原來老婆係未煮過菜飯的，佢全靠係街食過，用自己想到的做法來煮，

都咁好食，正!

係ifc食下午茶

2008-05-10T16:37:00.004+08:00

今日去睇朋友係大會堂行禮，中間有空檔時間，同老婆來左ifc 入面 lane crawford 的 cafe costa食下午茶，等夠時間去飲。

價錢258兩個人，有個三層碟，兩個飲品。

全海景，好招呼。

無他，都係俾錢買service姐。

買蛋糕食

2008-05-04T18:47:00.002+08:00

同老婆搭車由崇光返家，心血來潮，記得呢度好多好評，就去買幾件蛋糕食，

好彩之前打左電話問路，唔係真係無可能搵到，

返到家，第一時間食，

老實講，味道唔係超好食，不過就幾新鮮，因為Napolean如果唔新鮮，個層脆餅就會俾d吉士整到淋左唔好食，

另外個 lemon cheese cake 就唔夠 Starbucks 個 lemon tart 好食，而且貴過同細過 Starbucks好多， Starbucks $15 大大個又好食d添!

結婚兩週年

2008-05-04T17:59:00.002+08:00

正式來講，係註冊兩週年，

唔想食得太多太heavy，想食次精緻d，當然我又唔想太貴，係 Open Rice 搵下，就去左呢度

好多年前來過呢度的Buffet個邊食，都可以，當時係同第一份工的同事來食，而家個個都成為了好朋友了。

可能價錢唔平，地點又唔係大街，所以無咩人，我地來到時只有一兩枱，

點左個同buffet好似的dinner set for 2，基本上所有野都係任叫，不過佢會 serve 你同幫你把食物排得靚靚，錢就係使左係呢度了，

食物味道唔錯，不過可能食過一次之後，至少半年唔使再來，除非佢的menu變下啦，因為會好悶 :)

內地人教你搭地鐵

2008-04-24T21:29:00.001+08:00

學野啦!

簡化版的Blog

2008-04-17T17:23:00.001+08:00

簡化版的Blog

我地呢個Blog唔算太多相,主要都係文字,但如果用手機或PDA睇,都可能要load一些時間,

其實,而家有好多人都會用手機或者PDA係街上網睇野,而一般網站都好多相,所以令到好多時係街上網又慢又睇唔到成

個網頁,唔好玩。

所以,有唔小公司就開發左一d可以幫手把一般網頁內容簡化,再壓縮,才send去你的手機,咁就可以用小好多時間就load完個網頁,又可以慳好多data 費用,又唔駛等咁耐。

其中一個就係 Mofuse (www.mofuse.com),只要登記做佢免費用戶,就可以把自己喜歡的網頁輸入,Mofuse就會把佢轉為"簡化版",再俾出一個新的網址你,以後就可以用呢個新網址去睇個一個網頁的簡化版了,

講左咁多,我就係想講,我地呢個Blog的簡化版網址係 http://sjblog.mofuse.mobi ,任可人都可以用一般電腦,手機,PDA上呢個網址,就可以睇到我地呢個Blog的簡化版了,內容同普通版九成相似，但可以用小好多的時間去load架!

在家之快樂

2008-04-13T23:34:00.002+08:00

今日星期日，老婆要留在家做paperwork，加上天氣不太好，所以無週圍去，主要係屋企，

朝早去飲豆漿，食上海式早餐，

午餐去附近飲茶，老婆話突然覺得老餅左，well，都就來做人父母，唔認老都唔得架啦，

午睡左之後，吸了塵，拖了地，兩個人就去附近街市買餸，

今次係我地第一次去呢個街市買餸，原來係有好多好野，而且價錢唔貴，

跟住回家就準備晚餐，

得到老婆大顥身手，今晚有三個餸，全部都好好味﹗

有了老婆，有家人陪伴，就算留係屋企，都可以好開心的!

多人排隊糖水店

2008-04-12T21:54:00.002+08:00

剛剛搬到呢區，好開心有好多好食的店係附近，

今晚回家前就到呢間糖水店，買糖水同老婆食，

之前唔知原來佢係出名的店，一來到見到已經有咁多人係到，好驚訝，

好彩，人多但佢出野好快，10分鐘倒到我了，

味道ok，但價錢比起中環的玉葉仲貴成八成呢!

今日去左大尾篤

2008-04-06T23:25:00.002+08:00

見今日天氣好，同老婆去左大尾篤，吸收下太陽同新鮮空氣，

去到先食我地好喜歡的煙雞，之後本想試下四輪單車，但我唔夠力，只好同老婆慢慢行，

老婆個肚呢幾個星期真係大左好多，連我媽都係咁話，

行左一陣，就去左又一城，又行左一陣就回家同我媽去食晚飯了。

五星級大廚在我家

2008-04-05T21:39:00.003+08:00

今晚又得到老婆的一位五星級大廚同事，特登由元郎來到我家，一展廚藝。

之前已經試過呢位大廚的手藝，連我媽都話正，所以今次都叫埋我媽來，

今晚有意粉，沙律，菜同蛋糕，

每樣都十分好味，好到連我媽都要take-away!

Tammy及我老婆，多謝你們的晚餐

係新居煮的第一餐飯

2008-03-31T22:36:00.002+08:00

唔係咩名貴野，只係一餐成本30元左右的家庭飯，

但兩口子能夠開開心心係屋企食餐住家飯，真係無野可以代替的。

老婆真係好叻

2008-03-30T22:02:00.002+08:00

結婚之前，佢一方面要返工，要讀書考試，仲要做準備結婚的各種工作。

到後來，要返工，要讀書考試，仲要頂住個大肚，而且考試成績仲唔錯，可以有scholarship，不過佢為左我同BB，都決定放棄唔要。

老婆，你真係好叻!

好多個係新居的第一次

2008-03-30T21:49:00.002+08:00

第一次係新居:

食野;
去 washroom;
沖涼;
sleep;
睇電視;
睇高清電視;
用咁大個電視打機;
打掃;
拖地;
煲水....

係味試過煮飯，好快會試...

仲有好多朋友話想上來house warming，睇來都要等我地執好下間屋先。

一個星期了

2008-03-30T17:48:00.001+08:00

係新屋住左一個星期了，

呢區的方便，真係令我最開心，無論食，買同交通，都係十分鐘內就到，而且價錢比以前平同多左好多choices。

呢個honey moon 期仲可以有多一個月度，踏入五月，我地就要ready做父母了，呢個責任可要付足一世呢!

新居入伙

2008-03-23T18:00:00.002+08:00

兩個人共三十多件的物品，係今朝十時成功到達我地係北角的新居。

新居主要係地方大左小小，多左一間room，用來俾係六月出世的新家庭成員，而交通及附近的shopping及食飯地方都多，一落到街咩都有得買，好方便。

而家仲有7個箱未開，太累要休閒一下。

燒野食

2008-03-16T21:03:00.003+08:00

今日同老婆去左一個一日遊，先去迪欣湖，再去大欖燒野食。

迪欣湖去過幾次了，所以不太有surprise，不過天氣唔錯，咪當吸下新鮮空氣，

大欖燒野食就非常唔錯，食物係任食，而且味道唔差，我燒，老婆幫手折肉、自己食同畏我食。

食完，搭車返回中環已經係4:30pm了。

老婆先回家，我再去北角同吉之島...

執箱入盒

2008-03-09T23:07:00.002+08:00

開始把物品入盒了，自己呢十年來都無正式搬過屋，所以好多野其實都係可以唔要，

今次就把唔小黑膠唱片同大學的書本掉了，因為呢十年來都無再再睇過，未來再十年都應該唔會再睇了，而且未來呢十年我都應該會好忙吧。

始終好喜歡去呢間食

2008-03-09T00:33:00.003+08:00

呢間野，去過好多次了，

作為一間上樓日本餐廳，佢唔算貴，

而且食野份量同味道都好好，咁既價錢有咁既份量同質數，我地都覺係好扺食，老實講，我地去食迴轉都日要一個人$120倒，先至食飽，

呢度每個午餐只係約$100，但已經好好味好飽了!

買呀買呀

2008-03-09T00:15:00.002+08:00

仲有兩個星期就搬屋，所以星期六就去同老婆同我媽去買左好多傢具。

實恵有賣，宜家有買，灣仔有買，連電視電腦都睇埋，

都好小可簽卡簽咁多，咁密。

呢餐幾貴但覺得唔錯

2008-03-05T22:12:00.003+08:00

呢餐幾貴但覺得唔錯

係呢間食，兩個人食左$6xx，但非常飽同埋好好味!! 仲有超靚景睇!

我地最喜歡個甜品 Meringue，好多好味berries之餘，仲有好滑的白cream。

為新家庭成員預備的第一課

2008-03-02T21:28:00.002+08:00

今日星期日，我同老婆同我媽都好充實。

我地先去太子interview陪月員，連續四個申請人。

跟住去太古城吉之島，因為由網上討論區知道今日有bb用品展做sale，所以專登去先申請j card以便係佢度買野有折扣，跟住就去買各樣野，買左好多，成四千幾蚊。

買完都成八點幾，就去下面food court食晚飯，再搭車返家。

好倦，不過我地知道，比起日後bb出左世，而家只不過係熱身吧了。日後無論係身心、金錢、感情上，我地都會要代出更多。

新居

2008-02-27T00:00:00.001+08:00

仲有唔夠一個月，我地就會搬去新居住了，會由而家我住左多過十年的中環，搬到北角。真係有點唔捨得，不過無法啦，係要睇住budget做人的。

新居會帶來好多的新鮮感，又有新的傢具，電器可以用，最重要係，會有多一個空間俾我地的新成員。

在家服侍老婆

2008-02-26T23:51:00.001+08:00

自從知道會有新的家成員後，近幾個月來，我每晚就有新的活動，就係幫老婆按摩同煲奶俾老婆飲，見到老婆好享受，好舒服的樣子，真係抵返晒。

生bb係好辛苦的，呢九個月十個月的日子要大住個肚生活同返工，個種辛苦真係我地男人好難明白到，所以我只好儘量做各種野令到老婆舒服，令佢個肚舒服。

老婆煲魚湯

2008-02-24T20:37:00.002+08:00

紅衫魚湯

好好味，不過屋企d薯仔出晒牙，唔用得，所以只有魚、紅蘿蔔、豆腐同番茄。

加埋老婆既蒸肉餅，今餐真係好味。

食食食

2008-02-24T18:03:00.002+08:00

今個週末，想唔到有咩特別想做，加上天氣又濕又有小小涷，唔想老婆粗身大細吹風，所以都係係旺區同mall入面行下。

之前係Open Rice睇到有兩間野幾多好評，但一直未有機會去試，就趁呢兩日去。

星期六:

去左呢間八八八拉面，老實講，自從係北海道食過拉面後，覺得超好味道之後，連係大阪食的拉面都唔太喜歡，所以係香港食的拉面都唔會有咩太高expectation，不過見呢間係網上咁多好評，就去試下。

叫左兩個lunch set，每個都係一個half size拉面加一個細飯再加softdrink。味道可以，唔係太多味精，係用日本米，飽就一定夠飽了，如個一男一女唔係太肚餓的話，一個 lunch set 都夠食添。個人覺得好過老千拉面好多。

相就無影因為個pocket PC 有小小問題，影相唔清。

星期日:

網上對呢間金船長有好多好多好評，不過佢位置真係超難搵，因為附近係舊區又無地鐵，好彩老婆記得有小巴到附近，加上我有pocket pc phone 在手可以即時上網，上網搵左小巴資料同一直開住Google Maps 同 GPS，可以好容易搵到。

去到門口已經係2pm，但都要等位。入到去見到全院滿座，即時上網睇下前人有咩介紹，就叫左漢堡包、海鮮墨汁意粉同埋朱古力心太軟。

漢堡包叫左7成熟，味道好但不及灣仔188 IVE 對面的好食。

海鮮墨汁意粉好夠熱，海鮮難得有鮮味，好食。

朱古力心太軟係一個內有溶化左的朱古力的朱古力小蛋糕，佢再有小小的一scoop ice cream，主角朱古力小蛋糕好好味，入面溶化左的朱古力有中度苦味，所以食起來唔會太甜，非常好食。

食完走時，門口都有唔小人排隊，都已經係2:30pm左右了。

新年聚會，告一段落

2008-02-17T19:36:00.002+08:00

今個weekend同舊同學及舊同事分別聚會，

舊同學的聚會，除左我同老婆之外，其他人的都已經係有左仔女了。

舊同事的聚會，就有一對父母輩人仕參與。今次有好消息，就係有人會係12月結婚了，真係替佢開心!

睇電影 - 魔法奇緣 Enchanted

2008-02-16T22:58:00.004+08:00

想睇好耐，但一直都買唔到飛，因為只有前一兩排位。

今日係牛頭角Broadway上網買到飛，好睇!

係Walt Disney的電影，但唔低能，有好幾個位都好令我感動，

其中的歌曲都好好聽，今午睇左套movie，我而家已經一邊聽緊佢的電影sound track、一邊寫呢個blog了。

想睇sound track 各歌的歌詞，可以去呢度

就係呢段，殺死人的感動!!

So Close 呢支歌，超好聽!!

自由人講廣東話,笑死你!

2008-02-16T13:15:00.001+08:00

桑拿入面…
骨妹 :[Sen山, 你蝕唔蝕飯？]
(先生你食唔食飯)
男客人 :[??.......]
骨妹 :[sen山 , 射個精嗎?] (先生, 寫個drink嗎?)
男客人:[err.......] (面都紅哂)
骨妹 :[ sen山 , 要唔要做雀仔按摩呀？按完仲可以除…] (腳低按摩……鎚……)
正宗潮州菜…
客人："夥計, 有咩好介紹呀?!
夥計：〝食老鼠拼盤啦，有老鼠蛋、老鼠腸、老鼠豬耳，但冇老鼠鵝〞(滷水拼盤 )
深圳麥當勞…港客：〝唔該一個豬柳漢堡。
店員：〝要蛋呀。〞
港客：〝唔要蛋喇唔該！〞
店員好勞氣：〝你要蛋喎！〞
港客開始?憎：〝我唔要蛋喇，我淨係要豬柳漢堡咋！〞
店員更加勞氣：〝要蛋一蛋呀，要蛋十分鐘呀……〞 (要等呀)
入境處…
遊客："要睇新款證定畜牲證呀?"
(身份證定出生證?)
巴士站…
遊客：〝Sen山唔該，請問你有冇生痔瘡
呀？(有冇散紙唱)
街道上…
遊客 : [請問侏儒村係邊?] (G2000)
數碼通…
遊客 : [呢個管睇到雷電嗎? ]
售貨員 : [唔會, 好安全架…]
遊客 : [無雷電顯示功能嗎 ?!] (來電顯示)
售貨員 :[手機唔駛用避雷針的~]
遊客: [咁我部手機可唔可以出湮] (trade in)
豐澤電器…
A遊客：〝請問呢部電視機有冇電視框呀？〞(Discount)
?
售貨員：〝當然有啦。〞
A遊客：〝咁電視框幾多錢呀？"
售貨員："唔好意思要成架買，冇得要個電視框架〞
髮型屋…
髮型師：[小姐想點剪呀?]
小姐：[師父，同我剪得多神似 D !]
髮型師：[己經好神似嫁喇喎?!]
小姐：[唔係神似，係要有神似! !] (要有層次)
髮型師：[小姐想做D咩顏色呀?]
小姐：[我想做森林咁0既色! ] (深藍色)
髮型師：[森林?? ]
小姐：[係呀~~]

過年食海鮮

2008-02-09T23:08:00.001+08:00

入左去西貢拜年，一行六人去左通記食晚餐，

佢話set要$300一個人，咁我地就去左自己選海鮮，

最後，埋單食左$2345，其中$14xx係海鮮錢，其餘就係通記收，

貴? 平? 正常? 我唔知，食就食左啦，味道都可以。

只好同自己講，食落肚既，無浪費到，而且係過年呢d日子，好難食到平野啦。

過年

2008-02-09T10:18:00.000+08:00

有四日假期，可以同家人舒舒服服地過，因為我地一向唔駛話去邊度拜年，所以其實係休息多。

特別係今年之後，我地都有心理準備，來緊的日子，我地都會唔得閒了，所以都趁今次，儘情enjoy了。

過年買新玩具 XBOX360

2008-02-09T10:06:00.000+08:00

初二晚，仲有30分鐘就放煙花之時，我仲係中環的HMV/Fortress/Toysrus 之間走來走去，為買新玩具，

可能真係過年有幾日假期有關，上網睇PS3同XBOX360都有缺貨現象，唔信，去HMV諗住唔會有人去HMV買game呢d野掛，點知，都係機無貨，staff 話唔小外國人去HMV買game野，因為怕俾人搵笨。

終於係HMV買左 VGA cable，再去 Toysrus 買機package。

XBOX360係好玩，佢係一部用來打機的好平台，唔似PS3，又想你用佢打機又想你用佢睇movie，買XBOX360就好似買 Nintendo Wii 咁，係為打機。

佢個 XBOX Live 尤其好，因為所有同game有關的東西都可以一站式搵到，download左就可以玩，唔駛子似PC咁，又要download又要install。

參觀產房

2008-02-02T13:29:00.000+08:00

剛剛參觀完瑪麗的產房，第一次咁近距離見到咁多的初生BB，真係好似只有一個小水樽咁細，好得意又可愛。

想起要餵奶及換尿片，這對於我倆是新嘗試　但應該相當有趣。

老公作出人生一大決策答應陪產希望我可以順產讓老公一同見證小寶寶出生的一刻。

讓我地一齊等侍六月的來臨吧！

Youtube 的 Desktop版及 Mobile版的使用心得分享

2008-01-30T21:35:00.000+08:00

Youtube 的 Desktop版及 Mobile版的使用心得分享

一向我都有用PDA Phone (TyTn II) 上網睇Youtube的片段(用 TCPMP + Flash plugin)，因為Youtube的短片時間小，好適合係車上，或者係行緊街、等緊人\車時睇。

Youtube 有個 Mobile 版 (m.youtube.com)，好耐之前已經有，但當時佢只有小量影片放上去，所以玩左一兩次就無再去了。

大約係1月29日，Youtube 把佢的Mobile版 upgrade左，影片量大增，仲可以用中文search影片! 仲同 Desktop版一樣，有分唔同地區的版本，香港就係 m.hk.youtube.com 了。

不過我發現，Mobile Youtube 的影片，可能因為想遷就手機同PDA較為低的效能，及減少data的流量同費用，所以影片質素好低，係PDA 上的 320 x 240 畫面上睇，好多格仔，真係唔太睇到畫面上有咩。但 Mobile Youtube 都唔係一無事處，因為佢的介面係專俾手機同PDA用，所以好簡潔好小無謂野，令到只有最小的data流量。

同一個影片，我試過用PDA係Youtube的Desktop版及Mobile版上睇，質素果然有好大分別，Desktop版的影片靚好多，同係 Desktop PC 上睇不大分別! 不過我估，Desktop版影片的 file size 可能大好多，所以不太適合俾用手機/PDA上網的人用。

會飛的遙控貨櫃車

2008-01-01T23:08:00.000+08:00

會飛的遙控貨櫃車

http://www.viicity.com/v_playvideo.php?v=pd2hyncwph7nkm4

邊度有得賣? 好想買來玩呀!

2008 新年煙火

2008-01-01T19:34:00.000+08:00

係香港同台灣，分別係最高的大廈有煙火表演，

香港的好似太小，台灣的又好似太多...

香港

台北101

教阿媽用 e-wallet

2007-12-31T22:34:00.000+08:00

教阿媽用 e-wallet

真係幾佩服阿媽，學電腦野其實快過我。

今晚，教了她用e-wallet，把她的各種重要資料save係電腦中，等她唔駛怕唔記得。

其實，都係佢提出先問我有無電腦野可以幫手記錄呢d重要野，所以，學用電腦唔難，最緊要識得問，同埋夠胆去問，各個電腦軟件好多時係為左應付人的各樣要求而發明的。

唔知幾時佢會學埋用Pocket PC 呢?

舊朋友聚會

2007-12-29T23:25:00.000+08:00

舊朋友聚會

今日好開心，可以同好多舊朋友聚會，仲見到好多新的「小朋友」。轉眼我地識左十年了，我自己識佢地時係我的第一份工作，當時的我同而家的我真係有好大分別，回想起來，真係唔會想到十年後的我係會咁樣的。人生就係咁易變了，下一秒的事又有邊個可以講得埋? 只要現在活得開心就夠了。

真係又會咁橋，除左今日同行的Johnny及Vivi的女兒，同埋我地專登去見Linda的兒子外，途中又會見到老婆的舊同學Pui Mei及Tony同佢地的「小朋友」! 之後係MTR月台，又見到老婆的舊同事/舊同學夫婦又係帶住佢地的「小朋友」!! 香港的出生律真係高得咁緊要?

除左見「小朋友」外，今日另外一個重點就係同Sarah的男朋友Jerry初次會面。果然，Jerry高大威猛，同Sarah好配，希望佢地快d有好消息宣佈吧。

今日 Weber 同 Cherry 唔得閒join，希望下次可以見到佢地啦。

同老婆行街

2007-12-25T23:03:00.000+08:00

老婆考完試，今個聖誕可以同我去行下街街，

真係自從結左婚先發覺，只要同老婆一齊，本來可能係好悶的事，都可以變成好有趣，好似係一d無咩好行的地方同商場，如果我自己一個人行可能只係會行十分鐘就走人，但同老婆一齊，傾下講下，時間就好快過去，完全無悶的感覺。

係出面有好多方面事情都唔係自己可以控制，只有自己的親人，先至係對自己最好的。

S和J 的網上日記

今日好開心

好耐無寫新blog了

影相日

都係米芝連的錯

公公婆婆來睇囡囡

又有新玩具啦

玩到咁

囡囡今日入港大啦

囡囡今日長征- 去機場

今年早小小放好Xmas tree 同燈飾

食、買、行街

超好食同抵食的韓國燒烤

星期日，行街日

女女五個月大了!

係地下玩

九龍公園遊

囡囡剛剛識得返身!

今日去探爺爺

食手指、食腳指、大冬瓜

上山頂

囡囡食糊仔相

食完仲有蛋糕送架

老婆生日快樂!!

DIY 蛋糕 encore

生左BB之後再做返既事 - 行山

老婆自制雞蛋糕

囡囡四個月大啦

同外公外婆舅父食飯

見城食飯

老婆連漢堡排都整到

第一次自己轉到半身

就算係生左BB，一樣都做得姐...

好玩的一日

囡囡過左100日啦

囡囡第一次上酒樓

囡囡三個月大了

新加坡旅遊 - 相片集3

新加坡旅遊 - 相片集2

新加坡旅遊 - 相片集1

囡囡第一次搭港鐵同巴士

我地的BB女

醃篤鮮

朋友送的好好味曲奇

女女兩個月大了!

去左Megabox食焗魚咀

買左新玩具

一開聲就有得食

大班朋友來睇雅晴

全家三代一齊

老婆煮蟹好好食!

第一次同女兒去公園

更多來自3HK的 3G iPhone 資料 (more 3G iPhone information from 3HK)

3HK 賣 3G iPhone 的收費已經有了! (3HK tariff plan price information for 3G iPhone)

Godiva 的朱古力，飲

第一次幫BB沖涼

送薑醋

仲有半小時就生日

BB名字

俾錢請陪月及外傭

BB的臍帶掉了

老婆生了! BB 女出世了!

老婆個肚

菜飯

係ifc食下午茶

買蛋糕食

結婚兩週年

內地人教你搭地鐵

簡化版的Blog

在家之快樂

多人排隊糖水店

今日去左大尾篤

五星級大廚在我家

係新居煮的第一餐飯

老婆真係好叻

好多個係新居的第一次

一個星期了

新居入伙

燒野食

執箱入盒

Youtube 的 Desktop版及 Mobile版的使用心得分享