有新玩具

用左「陽春」既 Motorola W220 一段時間，身痕想玩下高檔機。

Nokia N73 同 SonyEricsson K800i 都係相機功能極好既手提，但自從 k750i 之後，實在怕左SoneEricsson 機既「勁大」背景聲收音問題，係行緊既MTR中根本對方無可能聽到我講野，只會聽到車廂中既隆隆聲 !

N73各方面都好好，正機!

超小型的"大掃除"

今天下午，用了兩個多小時，完成了打掃、拖地及吸塵。

當然，要多得媽媽之前幾日已經幫忙完成大部份的工作 :)

婚後第一個情人節

未有美酒佳餚，不過可以兩人一起開開心心食飯，都係一種福分。

一札花，始終係女人的情意結吧，男人永遠不會明白的了。

只要女人開心，男人還是會keep住做吧。

新年將至

結婚後第一個農曆新年來了!

今日和太太去買野過年，其實只係買左全盒，糖果及小量揮春。

當然，已婚人仕的專利 - 派利是，今年亦係我地頭一次，都已經包好了。都收左咁多年，係時候回饋一下了 :)

同太太分別去左理髮，過年前，真係好多人...

阿媽講左會自制糕點，而太太到時亦會自制上海家鄉小菜!

係呢度同所有睇緊呢個 blog 既人拜過早年，恭喜發財，身體健康!

極度要小心呢種來電!! 好大鑊架!!

極度要小心呢種來電!! 好大鑊架!!

近來好多PK sell 野電話，情況係咁:

1. 你個電話會響

2. 你接電話

3. 你會聽到電話打"出"後的"do do" 電話聲 (即係好似你打出電話咁，但明明係為有人打入你個電話，而唔係你自己打出電話!!)

4. 等一陣，對方會有人聽，sell 你野 (我個 case 係 OneTwoFree sell $68 手提電話plan)

我估，係d PK telemarketing 諗出來既殘招，想做到係”你打電話俾佢，而唔係佢打電話俾你"，咁佢就可以走法律"la"，令你告唔到佢!! 正PK !

重大件事既係，如果佢係外地，而做到個效果係你打俾佢，咁佢咪分分鐘可以收你"打出長途電話"既錢? 仲係唔知幾多錢一分鐘 tim !!! Charge 你 $1000 一分鐘都有可能架!!

如果收到咁古怪既電話，一定要即刻收線，唔好俾佢接得通呀!!

我部NDSL可以回覆原來咁靚仔啦! 唔再"激突"啦!

今日花了:

$190 買了張 "R4" 俾 NDSL 用;
$89 買了張 1GB 既 行貨 Toshiba MADE IN JAPAN microSD 俾 R4用;

終於，我部NDSL可以回覆原來咁靚仔啦! 唔再"激突"啦!

星期日行街

今日，同太太食左過late breakfast 之後，努力做左好多野。見天氣幾好，大既二時我地便出去行下。

行去香港公園，原來睇鳥兒的地方全部已經關門，只好去睇花花。

之後，一直向中銀方向行，當行過別人結婚的地點時，真令我地回想起八個月前，我地係同一地點行禮的sweet sweet happy memory :)

跟住，肚子開始餓，便行去愉景灣碼頭樓上，食一個late late lunch。

呢度風景真係好好，成個中環可以睇晒，加上海風及太陽，真係十分寫意。食物方面，$48一客BBQ set，份量足，味道可以，可以再來! 想像下，如果係呢度睇煙花或睇月光食月餅，一定好正!

仲多唔多地方有呢樣野?

唔知仲係咪真係用得...

太太發功煮好野食

返到家，發現完來太太今日非常有心，去買了材料煮晚餐，仲係不是日常煮的食物。

有"lam lam脷" (即係炆豬脷); 蒸魚; 煲老火湯 及炒脺肉"gwa"。

全部都好好食，好有heart!

今日好好太陽

用 Pocket PC 都影到幾好既相