第一次預備新年全盒及揮春

之前和太太係吉之島買左，今日終於可以有時間放出來。

雖然不會預計有多人會來，不過可以和太太一齊預備全盒，十分開心!

行花市

下午接左老豆出來時，趁未有太多人，一家人已經行左花市，雖然無行完全個花市(因為原來都好好好多人) ，但都可以睇到大部份的東西。最有趣係，竟然可以係咁多人既環境中，見到舊同學及佢媽媽 :)

晚上和家人食過團年飯後，和太太再去行花市，可能時間早，覺得比下午還要小人...

買左一個風車，只係 $10，當應節都唔錯 :)

太太又顯身手

今晚年三十晚，因為接左老豆出來，所以無出街食，媽媽一早訂左盤菜及布丁，而太太都造了幾味上海風味的食物如烤夫、蛋角等等，實行在家食團年飯。

人大了，確實覺得無野比一家人一齊坐埋食飯更開心。

中環 SOHO 區 SUBWAY 已經開左!

中環 SOHO 區 SUBWAY 已經開左!

拿住太多野，無手影相...

價錢好似around $27一個sandwich.

有新玩具

用左「陽春」既 Motorola W220 一段時間，身痕想玩下高檔機。

Nokia N73 同 SonyEricsson K800i 都係相機功能極好既手提，但自從 k750i 之後，實在怕左SoneEricsson 機既「勁大」背景聲收音問題，係行緊既MTR中根本對方無可能聽到我講野，只會聽到車廂中既隆隆聲 !

N73各方面都好好，正機!

超小型的"大掃除"

今天下午，用了兩個多小時，完成了打掃、拖地及吸塵。

當然，要多得媽媽之前幾日已經幫忙完成大部份的工作 :)

婚後第一個情人節

未有美酒佳餚，不過可以兩人一起開開心心食飯，都係一種福分。

一札花，始終係女人的情意結吧，男人永遠不會明白的了。

只要女人開心，男人還是會keep住做吧。

新年將至

結婚後第一個農曆新年來了!

今日和太太去買野過年，其實只係買左全盒，糖果及小量揮春。

當然，已婚人仕的專利 - 派利是，今年亦係我地頭一次，都已經包好了。都收左咁多年，係時候回饋一下了 :)

同太太分別去左理髮，過年前，真係好多人...

阿媽講左會自制糕點，而太太到時亦會自制上海家鄉小菜!

係呢度同所有睇緊呢個 blog 既人拜過早年，恭喜發財，身體健康!

極度要小心呢種來電!! 好大鑊架!!

極度要小心呢種來電!! 好大鑊架!!

近來好多PK sell 野電話，情況係咁:

1. 你個電話會響

2. 你接電話

3. 你會聽到電話打"出"後的"do do" 電話聲 (即係好似你打出電話咁，但明明係為有人打入你個電話，而唔係你自己打出電話!!)

4. 等一陣，對方會有人聽，sell 你野 (我個 case 係 OneTwoFree sell $68 手提電話plan)

我估，係d PK telemarketing 諗出來既殘招，想做到係”你打電話俾佢，而唔係佢打電話俾你"，咁佢就可以走法律"la"，令你告唔到佢!! 正PK !

重大件事既係，如果佢係外地，而做到個效果係你打俾佢，咁佢咪分分鐘可以收你"打出長途電話"既錢? 仲係唔知幾多錢一分鐘 tim !!! Charge 你 $1000 一分鐘都有可能架!!

如果收到咁古怪既電話，一定要即刻收線，唔好俾佢接得通呀!!

我部NDSL可以回覆原來咁靚仔啦! 唔再"激突"啦!

今日花了:

$190 買了張 "R4" 俾 NDSL 用;
$89 買了張 1GB 既 行貨 Toshiba MADE IN JAPAN microSD 俾 R4用;

終於，我部NDSL可以回覆原來咁靚仔啦! 唔再"激突"啦!