假金牛週街都係，千萬唔好收金牛呀!

假金牛週街都係，千萬唔好收金牛呀!

好似話連銀行都好難分到! 千萬唔好收由任何人或公司俾你既金牛呀，萬一真係咁唔好彩係隻假野，無左成千銀之餘，仲可能被人拉架!

2007-03-17 HKT 19:06
梁煜倫報道
鄧竟成出席警察學院結業會操(政府新聞處)
警 方 近 期 檢 獲 仿 真 度 極 高 的 一 千 元 偽 鈔 ， 增 加 至 700 多 張 ， 拘 捕 12 人 ， 全 部 偽 鈔 都 是 由 銀 行 轉 交 。

警 務 處 長 鄧 竟 成 說 ， 初 部 調 查 顯 示 ， 偽 鈔 是 由 外 地 流 入 ， 已 聯 同 澳 門 和 內 地 有 關 部 門 追 查 。

列印新聞 寄給朋友
RTHK ON INTERNET

懶人星期六晚餐

懶人星期六晚餐

想食壽司，又想試下d貴價即食面，就去左祟光買盒裝壽司同日本拉面。

壽司係我食開既火燒三文魚+魚子壽司及一盒雜款壽司，拉面係「黑豬骨湯拉面」。

返家後，由太太煮面，因為太太會細心的煮，如果我煮的話只會好似煮出前一丁咁，令d面無咁好食...

再煮d菜，希望可以健康d。

一餐平平地，又食得舒服既晚餐就係咁啦，當然最緊要係同太太一齊食啦 :)

自己去覓食

係 Open Rice 見到原來深水保有間出名既蛋牛治，今晚一個人，去探下路先，係正既先帶太太來!

呢間「新香園」，原來就係合益泰附近，出名既蛋牛治只係$10，平得有點意外，可能未被傳謀煲大，如果好似九記咁，以為自己好出名就可以無品質無服務，真係搵鬼去!

佢既蛋牛治用鮮牛唔係碎牛，而且即叫即煎，入口時，蛋仲係滾燙的，牛肉份量一般，都幾鮮味，而且夠熱，叫左烘既，非常好食!

好多人食埋豬手面，不過我唔好豬手。

終於去左 H&M

今晚放工，行過見唔到人龍，原來已經可以自出自入，唔駛排隊，好，就入去見識下。

入去行了小小，唔見男裝，上了扶手電梯，原來上面仍然係女裝，再上就係童裝，每層的收銀都有好多人排緊隊，我估至小要排半個小時。

問下職員，原來男裝係basement。

Basement行既人小過上面好多，老實講，佢既男裝唔貴，同G2000差不多，有d特別平既貨質地可能幾差tim! 我行左一個圈都可以話睇中左一件shirt，不過唔係非買不可個隻，而且我唔想排半個小時，所以都係算啦，橫掂住咁近，遲下一定會回覆正常人數，唔會要咁排隊法了。

有機會同太太來，等佢睇下d女裝得唔得 :)

星期日 - 日記

早上同太太去探望父親，

出來時，撞正勁大風同好密既雨，好冷!

之後去左食出名既潮洲牛肉餅面，正!

我既眼鏡已經變色，而且面部肥左，不太合身了，去「眼鏡88」配了一對新的眼鏡，星期三晚有得拿了!

再去買餸...

今晚: 包上海蝦肉雲吞 + 炒白菜
星期一晚: 菜芯炒牛肉
星期二晚: 太太整魚 + 白菜
星期三晚: 糖醋排骨 + 菜芯

估唔到，買左$20既蝦，都咁新鮮咁彈牙，仲好鮮味!

黃金俠 box set

黃金俠 box set

用回N年前既模，好有懷舊feel :)

我已經有隻超合金魂，好滿足了!

又有新日本手機可以係香港用 - Softbank 811T

即係之前Smartone-Vodafone 出過既 TX-80不，不過而家日版水貨只賣$22xx，平過Smartone 差唔多 $13xx !!

點解佢吸引我? 完全係因為:

1) 日本機
2) 顏色好正! 個人最喜歡橙色，夠eye-catching!

不過，佢無藍芽!

同埋，我仍然好喜歡玩我部N73，所以唔會買811T :)

又影到貓

呢隻最好玩最得意，又最肥 :)

不過佢好有性格，唔係咁理人 ...

再去迪欣湖

估唔到，真係估唔到，星期六上午的迪欣湖，竟然係會咁小人!!

老實講，由我地屋企去，每人至少要$4x 車錢搭MTR，真係唔平! 不過旅程確實係好舒服，一程車就到，又快。

同太太去到第一樣做就係撐船仔，係用腳踏的船仔，$70半小時，不算貴，全個湖只有我地及另外一隻船 :)

同之前係黃泥沖水塘比較，我地覺得黃泥沖水塘好好多，因為黃泥沖水塘多好多野睇，迪欣湖太過多人工化了!

唔止撐船仔小人，成個迪欣湖都連20人都無，極其冷清，我估，Ocean Park 一定唔會咁 :)

之後出返去金鐘食lunch，本來想去食 Triple O，但見旁邊既 Bistro 好似ok，我地又未試過，就試下...

食左: 蜆意粉，牛肉千層面，磨古pie

牛肉千層面最好食，芝士及番茄味都好好;

蜆意粉酒味重左d，都算鮮味;

磨古pie係意外地好食，幾款不同的磨古用白酒炒過，好多汁好好味，跟pie食十分match!

今晚同媽媽係街食晚飯

太太上學去，我就同媽媽食;

都好耐無飲鴨"神"湯了，幾好味!