澳門食記 - 胡椒餅

之前唔知有咁既野，只係行下行下突然見到有條長長人龍，去睇下先知!

呢間叫「帝鈞碳烤胡椒餅」，其實係中式漢堡包，入面包豬肉而包皮係充滿胡椒味。

好好味，豬肉幾肥，所以好多肉汁被包包吸收左，

因為即叫即做，所以整個包內內外外都好熱好熱!

值得排!

澳門食記 - 义燒飯

澳門食記 - 义燒飯

先去冠男軒飲茶，試佢既义燒飯，在場差不多台台都會叫就知係好野，肥瘦剛剛好，十分好味，仲送湯!

另外既魚皮鮫好有魚味，唔似係香港食咁，得陣味精味!

豬手就不過不失啦。

行山

今早天氣好，同S去行上次無行既路段。

一樣由合和出發，搭電梯去17樓出堅尼地道，由灣仔峽道口上山。

由第一次行左成30分鐘、休息左3、4次，到而家行15分鐘唔需要休息，行山果然可以鍛鍊身體。

轉去寶雲道，直去Magazine Gap Road，一直行，原來行到Robinson's Road，見順路就行去動植物公園，之後行返屋企。

今次感覺好好，因為可以直接行完山後，行返屋企，覺得好有趣好方便!

南區海景

除非有事忙或者極之倦，否則都會係週末去南區，

每次都會行同一段路，如果天氣好既話風景真係唔錯，當然啦，呢區係高級住宅區，梗係有過人之處既。

有時視野好既話，連海洋公園既昇空熱氣球都可以睇到添!

不過今次，就海景靚d，

唔知點解，我自己覺得呢張相構圖幾正 :)

去黃珍珍食泰菜

今次主要係媽媽想食「明爐魚鍋」，上之去過黃珍珍泰國菜館唔錯，交通又近我地，今晚再去!

叫左: 明爐烏頭、芒果蟹肉炒飯，魚餅及蝦餅

明爐烏頭:原來好大條! 當然，收得$148，俾大條d你又點話 :) 因魚太大，碟上已無多空位放多其他菜。淋上湯都ok好食，不過無太大特別；

芒果蟹肉炒飯:上次試過，覺得好過菠蘿炒飯，酸酸地既大大粒芒果肉配炒飯效果好好!

魚餅及蝦餅:又係上次試過覺得正，今次一樣好，有汁又鮮味!

又去食貴(但抵食)既日式午餐

上次食過覺得抵食，今日再同S去天勺日本料理食個貴lunch，

我叫左一個Sushi Set; S叫左一個名稱為「松花堂」既 set lunch

Sushi Set:
有六件壽司，一豌雜碎飯，及其他standard lunch set 有既配菜;曼最surprise既係個面豉湯係加左兩大舊三文魚煲既!
六件壽司保持水準；雜碎飯有好多唔同既魚，蛋，日本青瓜等等；面豉湯有很濃既魚味，十分鮮甜，同S既普通面豉湯味道完全唔同! 配菜如日式蒸蛋一如以往，很鮮甜。

松花堂：
好多唔同野食：sashimi、tempura、燒魚等等，而各樣都十分好，
sashimi好甜；
tempura十分夠熱，放左十分鐘後咬開仍然噴煙，最正既係連點tempura個豌汁都係熱既；
燒魚味道好好，有汁又不太乾。

最後甜品我要了栗子雪糕，S要芝麻雪糕，雪糕好味之外，連盛雪糕既豌都係雪涷左既!

係貴，兩個人食成差唔多$240! 不過，我去食 "元6" 都要成$100一個人先食得飽，係呢度，不論服務、地方、材料、味道，氣紛都高幾級，$120一個人我真係覺得值! 不過晚餐好似menu差唔多但再貴好多，暫時唔會試了 :)

澳門食記 (遊記) 遲d會post

我正在整理及上載大量相片，稍後會post上 blog :)

今日搵食記 - by K550i

去探S，又去左荃灣，

上次食過「魚魚魚魚」魚湯飯，今次試下係佢隔離，同樣門口人山人海既雲南米線，

總結: 味道正常但不至於好好味，更不值得等；價錢可以，$2X一碗大大碗，男人都可以食飽。湯底味精好重，食完即刻要去買野飲 :(

米線都係上環近上環文娛中心個間正好食d!

Nintendo Wii 紙版瑪利奧 - 平面立體一齊來!!

Nintendo Wii 紙版瑪利奧 - 平面立體一齊來!!

平面既超級瑪利奧 (Super Mario) 你係好多唔同既機玩過，立體既超級瑪利奧你可能係任天堂N64玩過，

來到 Nintendo Wii，你終於可以同一時間係平面同立體世界玩到超級瑪利奧!!

你將要零活地轉變平面及立體世界，令瑪利奧可以不停前進!

今午想去九龍灣大榮華

今午想去九龍灣大榮華

12:30pm去到諗住最多等小小時間就有位啦，點知已經人山人海，見到其他有訂台既人，只要遲到小小，門口既waitress 即刻話「你遲到喎! 要再攞個飛架!」串得佢呀!

終於? 梗係無係佢到食啦，咁多人點等呀?

後來聽人講佢又無得「陸」卡，訂位又難，不過老店一般都係無咩服務可言架啦。