星期日行街

今日，同太太食左過late breakfast 之後，努力做左好多野。見天氣幾好，大既二時我地便出去行下。

行去香港公園，原來睇鳥兒的地方全部已經關門，只好去睇花花。

之後，一直向中銀方向行，當行過別人結婚的地點時，真令我地回想起八個月前，我地係同一地點行禮的sweet sweet happy memory :)

跟住，肚子開始餓，便行去愉景灣碼頭樓上，食一個late late lunch。

呢度風景真係好好，成個中環可以睇晒，加上海風及太陽，真係十分寫意。食物方面，$48一客BBQ set，份量足，味道可以，可以再來! 想像下，如果係呢度睇煙花或睇月光食月餅，一定好正!

仲多唔多地方有呢樣野?

唔知仲係咪真係用得...

太太發功煮好野食

返到家，發現完來太太今日非常有心，去買了材料煮晚餐，仲係不是日常煮的食物。

有"lam lam脷" (即係炆豬脷); 蒸魚; 煲老火湯 及炒脺肉"gwa"。

全部都好好食，好有heart!

今日好好太陽

用 Pocket PC 都影到幾好既相

在家食火鍋

三個人，簡簡單單係大昌、惠康買左食物，

最正係d蠔，賣$79，有八大隻，不太會縮小，好好味!

舒舒服服係屋企一面同家人傾下，一面睇電視，好開心!

Club 35 失望的一餐

好耐之前，Club 35 係我地公認的一間專食平價三文魚刺身的餐廳，$5x 一位己經可以有自助餐食，最主要係有一個一個"山"咁高既三文魚刺身俾人食，refill又快。

之後佢話成本問題，停止左三文魚供應，咁對我地來講當然失去了吸引力了。

最近，原來因為個個人都提出如果無三文魚就唔去，所以佢再度推出三文魚。

但係，已經再見唔到以前既"山"咁高既三文魚刺身，取而代之既係，由waiter一小件一小件咁，放係一個小碟上，由客人自便。 當然，waiter會好醒目地係「合時」既時間失蹤，令三文魚的供應量得已控制。

唉，我可以接受佢加價，但用咁小家既手法，sorry，我唔會再去了，除非佢改啦。

雪菜火鴨絲米粉

太太有幾款"撚手"的食物，雪菜火鴨絲面係其中之一。

看似簡單的食物，其實都要花相當時間預備。

不過可能米粉今次浸了太長時間，好多都碎了。

牛奶的口感

係北海道試過正正既牛奶，基本上香港所有同類產品都唔係對手，但現實歸現實，始終要係香港買奶的。

係SOGO 見呢隻野大大隻寫住北海道，就試下，Well，都係同當時北海道既唔同，係差一小小。

講真，大陸既蒙牛好過佢了，口感差不多，但價錢平好多!

香港的靚景

每次行大潭水塘，都覺得風景靚得唔似係香港。

當然，一來可能次次都係同太太一齊，心情特別好，而且空氣清新，頭腦都輕鬆多一點吧。

最喜歡個種可以深呼吸，把身體內的悶氣排走，換入新鮮的空氣的感覺。

第一年派利是

聽了多年的 「豆埋今年好啦,下年要你派啦」之後，今年終於輪到自己派利是了...

太太預備買印有我地性氐的利是封，再加埋其他款式，好等可以把不同的行是分門別類。

都係既，豆左多年，都係時候要「回饋」返了 :)