多謝太太

中秋呢日,你已經要返工,放工後又要沖沖趕回家食飯, 之後又要去行維園, 無得睇電視大結局.

多謝你咁大 sacrifice, 我先可以 enjoy 到一個咁美滿既中秋!!

又試左一間老店

出名既係"鹵水牛展三文治",

Well, 加埋坏熱咖啡都只係 $17, 一定唔係貴, 但味道又唔係得特別好, 只係有小小新鮮感....

我 prefer 食熱既"egg+牛"三文治多D.

維園中秋

今年好開心, 可以同父母及太太一齊在中秋食晚飯, 再去維園行中秋!

今年好多人, 又好多大燈, 係咪因為經濟好左?

Well, 18000 點都差唔多了.

Hello Kitty DIY 月餅大功告成!!

同太太一齊, 成功完成4個 DIY 月餅

經我地及父母試驗, 味道十分好, 又無傳統月餅咁多油!

當然, 咁cute 既 Kitty 樣 都有分加啦!

$3388 可以買到正貨 Pocket PC Phone M600+

多得馬會 :)

但我對而家部 Xda neo 十分滿意, 所以唔換了.

但老實講, $3388 呢個價真係好吸引!

Photobucket 超好用, 又可以宜接寫 Blogger blog!

多得網友提醒, 原來而家 Photobucket 已經 support 用 email upload 相片. 如果你部手機有用GPRS, 你都可以好方便地從手機把相片email去一個特別的 Photobucket email address, 之後相片就會自動放到你的Photobucket album內.
再配合埋 Photobucket 的 Blog option, 就可以直接係 Photobucket 入面寫 Blog, 跟住就會自動update 去你的 Blogger blog中, 唔再需要兩個websites走來走去了.

Hello Kitty 月餅 DIY 套裝

$48 + $8

仲唔係間間有得賣!

幾有新意, 又睇下係咪好玩又好食?

換左新手機 - Motorola W220

想買部新既平手機,作為打出打入之用.

呢部 Motorola W220, 好合眼緣, size 夠細好cute, 似 Motorola V series 咁正; 好合我細手型; 又有收音機, $1K 樓下, 好抵玩!

而家兩部隨身電子玩具 (Xda neo, W220) 都係黑色 :)

昂平360之旅

同太太一齊去了呢個出名的景點.

纜車好定,感覺十分好,全程非常舒服;

買了套票, 包來回纜車及兩個電影show: "與佛同行"及"靈猴影院";

"與佛同行" 值得一看, 但"靈猴影院" 就不值了;

7-11 的價錢無貴到, 同出面市區一樣;

但如果你去, 就一定一定一定要行去看"心經簡林": 你會見到幾十支大大既木插了在山中,每條木上都刻上佛學的言語, 真係十分宏偉狀大!

總括來講, 昂平360係值得去的, 超碼, 不會好似迪迪尼咁, 下下都想打你銀包主意.

中山之行回來了

相對5,6年前之中山行,今次可是不同了.

好多好野食之"岓江食城"無左,失去了食燒乳鴒的平靚正地方;

步行街主要賣fashion, 對我等香港人的吸引力不大;

仲住間酒店係"三角鎮",要坐成45 minutes 高速公路的的士先到步行街, 成$90人仔!!

好在, 今次有太太陪, 咪當二人去食下野,relax 下 lor !