老婆真係好叻

結婚之前，佢一方面要返工，要讀書考試，仲要做準備結婚的各種工作。

到後來，要返工，要讀書考試，仲要頂住個大肚，而且考試成績仲唔錯，可以有scholarship，不過佢為左我同BB，都決定放棄唔要。

老婆，你真係好叻!

好多個係新居的第一次

第一次係新居:

食野;
去 washroom;
沖涼;
sleep;
睇電視;
睇高清電視;
用咁大個電視打機;
打掃;
拖地;
煲水....

係味試過煮飯，好快會試...

仲有好多朋友話想上來house warming，睇來都要等我地執好下間屋先。

一個星期了

係新屋住左一個星期了，

呢區的方便，真係令我最開心，無論食，買同交通，都係十分鐘內就到，而且價錢比以前平同多左好多choices。

呢個honey moon 期仲可以有多一個月度，踏入五月，我地就要ready做父母了，呢個責任可要付足一世呢!

新居入伙

兩個人共三十多件的物品，係今朝十時成功到達我地係北角的新居。

新居主要係地方大左小小，多左一間room，用來俾係六月出世的新家庭成員，而交通及附近的shopping及食飯地方都多，一落到街咩都有得買，好方便。

而家仲有7個箱未開，太累要休閒一下。

燒野食

今日同老婆去左一個一日遊，先去迪欣湖，再去大欖燒野食。

迪欣湖去過幾次了，所以不太有surprise，不過天氣唔錯，咪當吸下新鮮空氣，

大欖燒野食就非常唔錯，食物係任食，而且味道唔差，我燒，老婆幫手折肉、自己食同畏我食。

食完，搭車返回中環已經係4:30pm了。

老婆先回家，我再去北角同吉之島...

執箱入盒

開始把物品入盒了，自己呢十年來都無正式搬過屋，所以好多野其實都係可以唔要，

今次就把唔小黑膠唱片同大學的書本掉了，因為呢十年來都無再再睇過，未來再十年都應該唔會再睇了，而且未來呢十年我都應該會好忙吧。

始終好喜歡去呢間食

呢間野，去過好多次了，

作為一間上樓日本餐廳，佢唔算貴，

而且食野份量同味道都好好，咁既價錢有咁既份量同質數，我地都覺係好扺食，老實講，我地去食迴轉都日要一個人$120倒，先至食飽，

呢度每個午餐只係約$100，但已經好好味好飽了!

買呀買呀

仲有兩個星期就搬屋，所以星期六就去同老婆同我媽去買左好多傢具。

實恵有賣，宜家有買，灣仔有買，連電視電腦都睇埋，

都好小可簽卡簽咁多，咁密。

呢餐幾貴但覺得唔錯

呢餐幾貴但覺得唔錯

係呢間食，兩個人食左$6xx，但非常飽同埋好好味!! 仲有超靚景睇!

我地最喜歡個甜品 Meringue，好多好味berries之餘，仲有好滑的白cream。

為新家庭成員預備的第一課

今日星期日，我同老婆同我媽都好充實。

我地先去太子interview陪月員，連續四個申請人。

跟住去太古城吉之島，因為由網上討論區知道今日有bb用品展做sale，所以專登去先申請j card以便係佢度買野有折扣，跟住就去買各樣野，買左好多，成四千幾蚊。

買完都成八點幾，就去下面food court食晚飯，再搭車返家。

好倦，不過我地知道，比起日後bb出左世，而家只不過係熱身吧了。日後無論係身心、金錢、感情上，我地都會要代出更多。