中環舊警處 (k550i)

呢個可以話係影相熱點，好多時都會見到有人係度影野，

今次用 k550i 影再加後期用 Autostitch 駁相，我覺得都ok!

試左 Cova 既 Sunday Seafood&Lobster brunch

對我來講好貴! 一個人要$240連加一!

不過，平心而論，$240係值得的，因為由招呼，食物，環境，氣氛，都係極之極之好!

食落自己個肚，總係最抵的 :)

用 3G (UTMS) / 3.5G (HSDPA) 上網睇真係好爽!

如果係文字為主的話,例如 http://www.review33.com/chat 或者係其他forum既 archiver ，基本上係即見，唔駛等,

如果係多圖既，稍為等一下都可以load完了，

代價? $488一個月 :(

又試貴士多啤利

之前係崇光見到要一次過買兩盒，成$138，太貴無賣。

剛剛係 City Super 見到，可以一盒買，$79 有8粒，就試下同美國個d有咩分別...

一拆開，即時有一陣士多啤利奶昔既强烈香甜氣味湧出來! 心諗，唔係真係香得咁緊要下馬?

食落去，係十分甜十分香，亦有生果的鮮味，不過肉地太淋，唔夠美國個d爽脆，我地始終喜歡食美國種多d !!

賣成 $3xx 一個蛋糕，唔係酒店喎!!

只係上環附近，真係會有人買?

今日咁好天氣，去左灣仔海濱公園

下午天氣勁正，

話係開放俾貓同狗，但去到只見狗不見貓。

一直向紅隧行，原來另有一番景象...

上網都可以同大自然一齋

坐係充滿樹木的公園，一邊享受太陽及自然風，一邊把自己的隨想記入blog，真是令我可以感受到流動上網的好處!

用3.5G (HSDPA) 上網

用3.5G (HSDPA) 上網，真係返唔到轉頭

試左用PEOPLES及3HK，www.dslreports.com/mspeed :

PEOPLES - GPRS - 30kbit (平均)
PEOPLES - EDGE - 90kbit (平均)
3HK 3.5G (HSDPA) - 384kbit (平均)

係，3.5G HSDPA 係貴好多，但真係一份錢一份貨，個種爽快既感覺同當年由56k撥號上網升級去1.5MB寬頻一?，有"上網原來可以咁快"既發現!

再加上用3.5G可以一邊上下載資料，一邊接到來電及短信，所以可以不斷上網都唔怕與世隔絕!

學習及使用倉頡

用開速成打中文字一大段時間，本來好好，不過由於用掌上電腦時用手寫實在太慢了，所以而家正努力學習及使用倉頡。

用 Pocket PC 免費睇住你既股票動向

呢期阿貓阿狗都話炒股票，就算無炒既，都要知道一下各隻股票既消息，否則真係同人無話題。

真係炒既人自然會俾錢去買各個股票機或者去join 大利市機睇即時市況，但係好似我呢類人，真買又無錢，但又想知多d係人面前可以吹得兩下扮下關心既，就要去搵d唔駛錢既免費途徑來check各個股票的消息。

既然要免費，就唔可以希望有真正的即時即市價位資料了，係香港，免費價位資料至少會有一個小時既delay，不過用來吹吹水，都夠啦，要真正用來投資投機既，就唔好貪便宜，要真金白銀去出股票機睇大利市了!

我用開Pocket PC Phone (818 pro)既，即係一部集 Windows Mobile 及手提電話功能於一起既小型電腦，size細到可以放係手上週圍去。

我剛剛裝左一個軟件 Pocket Stock Monitor，佢可以好方便地把我想睇既股票加入一個 Portfolio 中，再跟住我既指示，定時去更新各隻股票之價格，當然，大路野好似恒指及各隻股票的其他資料及簡單圖表都不會小啦。

佢既畫面編排幾簡單易明，就算只係的美英文介面都好容易用。

如果你好似我一樣，暫時唔想買股票機睇大利市(因為每月要成$2xx 至 $4xx 不等)；又或者只係想知多d用來同人有多d話題傾下吹下既話，不妨玩下!