Youtube 的 Desktop版 及 Mobile版 的使用心得分享

Youtube 的 Desktop版 及 Mobile版 的使用心得分享

一向我都有用PDA Phone (TyTn II) 上網睇Youtube的片段(用 TCPMP + Flash plugin)，因為Youtube的短片時間小，好適合係車上，或者係行緊街、等緊人\車時睇。

Youtube 有個 Mobile 版 (m.youtube.com)，好耐之前已經有，但當時佢只有小量影片放上去，所以玩左一兩次就無再去了。

大約係1月29日，Youtube 把佢的Mobile版 upgrade左，影片量大增，仲可以用中文search影片! 仲同 Desktop版一樣，有分唔同地區的版本，香港就係 m.hk.youtube.com 了。

不過我發現，Mobile Youtube 的影片，可能因為想遷就手機同PDA較為低的效能，及減少data的流量同費用，所以影片質素好低，係PDA 上的 320 x 240 畫面上睇，好多格仔，真係唔太睇到畫面上有咩。但 Mobile Youtube 都唔係一無事處，因為佢的介面係專俾手機同PDA用，所以好簡潔好小無謂野，令到只有最小的data流量。

同一個影片，我試過用PDA係Youtube的Desktop版及Mobile版上睇，質素果然有好大分別，Desktop版的影片靚好多，同係 Desktop PC 上睇不大分別! 不過我估，Desktop版影片的 file size 可能大好多，所以不太適合俾用手機/PDA上網的人用。

會飛的遙控貨櫃車

會飛的遙控貨櫃車

http://www.viicity.com/v_playvideo.php?v=pd2hyncwph7nkm4

邊度有得賣? 好想買來玩呀!

2008 新年煙火

係香港同台灣，分別係最高的大廈有煙火表演，

香港的好似太小，台灣的又好似太多...

香港


台北101

教阿媽用 e-wallet

教阿媽用 e-wallet

真係幾佩服阿媽，學電腦野其實快過我。

今晚，教了她用e-wallet，把她的各種重要資料save係電腦中，等她唔駛怕唔記得。

其實，都係佢提出先問我有無電腦野可以幫手記錄呢d重要野，所以，學用電腦唔難，最緊要識得問，同埋夠胆去問，各個電腦軟件好多時係為左應付人的各樣要求而發明的。

唔知幾時佢會學埋用Pocket PC 呢?

舊朋友聚會

舊朋友聚會

今日好開心，可以同好多舊朋友聚會，仲見到好多新的「小朋友」。轉眼我地識左十年了，我自己識佢地時係我的第一份工作，當時的我同而家的我真係有好大分別，回想起來，真係唔會想到十年後的我係會咁樣的。人生就係咁易變了，下一秒的事又有邊個可以講得埋? 只要現在活得開心就夠了。

真係又會咁橋，除左今日同行的Johnny及Vivi的女兒，同埋我地專登去見Linda的兒子外，途中又會見到老婆的舊同學Pui Mei及Tony同佢地的「小朋友」! 之後係MTR月台，又見到老婆的舊同事/舊同學夫婦又係帶住佢地的「小朋友」!! 香港的出生律真係高得咁緊要?

除左見「小朋友」外，今日另外一個重點就係同Sarah的男朋友Jerry初次會面。果然，Jerry高大威猛，同Sarah好配，希望佢地快d有好消息宣佈吧。

今日 Weber 同 Cherry 唔得閒join，希望下次可以見到佢地啦。

同老婆行街

老婆考完試，今個聖誕可以同我去行下街街，

真係自從結左婚先發覺，只要同老婆一齊，本來可能係好悶的事，都可以變成好有趣，好似係一d無咩好行的地方同商場，如果我自己一個人行可能只係會行十分鐘就走人，但同老婆一齊，傾下講下，時間就好快過去，完全無悶的感覺。

係出面有好多方面事情都唔係自己可以控制，只有自己的親人，先至係對自己最好的。

新界遊

今日同老婆山長水遠，去了粉嶺，睇一個叫做「花鳥蟲魚」的展覽。

之後去左係對面的「蓬來仙館」食素菜，味道唔差，不太多油，

之後去了青衣城，因為我地好耐都無去過，不過佢太細，無咩野睇，

見行左成日，早d去食晚餐，早d返屋企休息了。

呢部可能係運行Google Android 的電話手機

呢部可能係運行Google Android 的電話手機

根據呢張相的主人話，呢部係行緊Google Android OS 的 prototype 電話手機，

姑勿論真定假，呢部野睇起來都唔差呀 :)

小肥牛火鍋

小肥牛火鍋

係小肥牛食過好幾次火鍋，真係唔錯，

三個人食得十分飽，共 $393，而且service好好，

不過個"牛肉粒"就好肥同好蘇，下次唔要了。

愛心早晨

愛心早晨

今日老婆早起，我有愛心早餐食了。