又係星期日晚上

自從買了部筆記本電腦，開始喜歡係床上上網，玩討論區同寫blog，

好奇怪，明明係對住同一個網站，但坐係床上用筆記本電腦上，就好似有好舒服的感覺，同平日坐係書台上好唔同。

今個週末，因為老婆係星期五已經完成測驗，所以星期六可以有時間同我去行下街，兩個人係旺角找地方食午餐，本來想去家樂坊的易呀妙手，但去到先知原來裝收中...只好去了 Spaghetti house，好耐無去了，因多數去左Pizza Hut。

晚上因不想媽媽煮，就去了小肥牛食火鍋，原本想去灣仔的一間，但一係要6pm，一係要8:30pm，時候太唔好了，好彩北角的一間可以有7:30pm台。

今日星期日，早上我地去左山頂。上幾個星期行了那個"可以行一個圈回來"的路，今次唔行。行左去一個可以去到 Kotewall Road 的，之後坐13巴士返堅道，再行去上環想食Burger Joint。

點知去到門口先見到佢今日唔知咩原因今日CLOSED，咁我地只好行去隔離食桂林米線吧。

食完行返屋企，因為今早早起床，又食得好飽，所以十分想sleep，入屋不到5分鐘便隻雙上了床sleep...

我起床時已經5:30pm了，就去買晚餐的材料，今個週末，又可以開開心心，舒舒服服的過去了。