平安夜行街街

食完飯,先去左中環聖誕小鎮, 超多多人, 無排隊入去;

跟住去新天星碼頭, 搭船過海港城; 想走時人太多,只好去搭MTR;

由行人電梯上山,經過 Krispy Kreme, 試下新既熱朱古力, 一般;

回家 ZzzzZzzz... :)

DIY 聖誕晚餐

由 Sogo 買左:
牛扒;牛肋骨;沙律菜;煙三文魚;Corn;天使面;火腿

由惠康買左:
生果

三人份量,每人大既只係$100,係屋企舒舒服服食,好過係出面食, 被迫食所謂"聖誕大餐"!

聖誕節家居佈置第二炮 - Hello Kitty 聖誕掛燈

掛左係 windows 上, 今晚貼 video !

終於都係PC上用到網上投注了

一直都係主要係 Pocket PC phone 上,先用到網上投注, 因為好耐之前試過係PC上想登記,要用 e-cert, 超煩!

今次再試,已經可以直接登記, 無一定要用e-cert了! 只係 set Active X 時有小小煩, 之後好快就搞好了!

十年前的今日

如果我無記錯, 十年前的十二月二十四日, 就係我從美國大學畢業回來香港的日子...

聖誕節家居佈置第一炮 - Hello Kitty 聖誕樹

雖然只係小小斗室, 但可以同太太一起, 聖誕節就更加溫暖,

多得 Kitty及聖誕樹, 令我地屋企更有聖誕氣紛 :)

天氣冷了, 第一次在家打邊爐

呢個週末,天氣真的冷了,而又一段時間未有和太太一起在我媽家食飯,所以我今日便提議係我媽家打邊爐做晚餐.

媽在大昌行賣了牛肉,羊肉等等, 而我就係老地方買了蠔.

呢種蠔,我地食了幾年了,一盒$68約有6隻, 好處係蠔身巨大,就算熟了後,蠔身仍然不會縮小, 所以我地好喜歡食.

天氣冷,和家人一起打邊爐食飯,真係好warm 好舒服 :)

好耐無 update blog

任天堂 Wii 好正,最正既係,佢可以吸引到我個"不打機"既太太,主動要求玩! 不過因為屋企細, 玩時真係要小心d, 唔係好容易打到人(我), 或撞傷自己 :)

Red Steel 賣了, 因為太小 Save Game 既 point, 要玩完一整關先可以save, 中途不可以放棄, 對於不可以日日煲game既人來講, 真係無咩可能.

入手左 Monkey Ball 及 Zelda. Monkey Ball 好 cute, 容易上手, 平時"不打機"既人十分合適玩. Zelda 就係for機迷而設, 大作真係大作, 幾乎完美!

Monkey Ball 既片段:


Zelda 既片段:

成為 任天堂 Wii 機主

買左 Wii 既 package 外加一隻game "Red Steel"

Wii package 入面既 Wii Sports 好好玩, 第一次玩game 玩到流汗要休息 :) 玩 Boxing 時尢其激動!反而玩 tennis 就不太倦，因為不需要自己去走位，只要timing ok 揮拍便可，但我仲未試過扣殺; Bowling 估唔到真係可以咁precise, 連手腕的轉動都可以感應到及反彈出來! Baseball 既 batter 較好玩，做投球就一般；Golf 就好似同真正的有段距離，不過都有8成似.

Red Steel 係一隻第一身動作game,好似Doom 咁, 但有射擊及格劍.　我要呢隻唔要 Zelda 係因為Red Steel 係一隻全新game, 而 Zelda 只係Game Cube版加左新control方法，既然我玩Wii, 就係想試新方法玩game,所以選Red Steel, 而且我唔係Zelda 既大fans, 加上好似只係有部份先會用Wii Remote+Nunchuk, 其他時間都係用 Wii Remote上既十字制?

講返 Red Steel, 佢既過場有d似"Dead to the Right", 即係有d "由美國人畫既日本漫畫"既feel. 當然, 用 Wii Remote+Nunchuk 玩, 真係感受到"呢d先係新一代玩game既方式". 題外話,我對PS3無興趣既主因,係見過RR7/GTHD/Gundam既試玩後,完全覺得PS3只係把現有玩緊既game整靚d,其他野無變,就好似PC換左張貴d正d既display card去玩一個相同而且已經玩過好多次既game咁,好悶無新意. 玩過 Red Steel 之後, 對 FPS fans 既我來講真係希望有更多 FPS/shooting games可以係Wii上玩到,因為真係可以好投入好好玩, 由移動,換view,開鎗,入子彈,揮劍,擋劍等等,用 Wii Remote+Nunchuk 真係可以有個種身曆其境既感覺!!

為左continue 玩 Red Steel 的好感, 下一個會買既game可能你龍珠或者係Call of Duty 3, 因為佢地既操縱方式都係好有趣,完全同以前打機既方式唔同!

Snap Preview Anywhere 幾好玩!

Snap Preview Anywhere 係一個好好玩既 plug-in, 只要把佢既code 放係你的website 或 Blog 入面, 就會自動生效.

佢既作用係: 如果你的website/Blog 有放左其他的 website 的網址的話, 當有人睇緊你的 website/Blog 時, 只要佢把 mouse 移到呢d網址上, Snap Preview Anywhere 就會立即自動顯示該 website 的"迷你預示版", 即係一個該 website的小型畫面, 供 user "preview", 而最正既係, user 可以係不離開你的website/Blog 情形下, 照樣可以見到你 link 出去的其他 website 的樣子!

我已經加左呢個功能係我呢個 Blog 中,而家你只要把mouse移到去下面任何一篇文章的藍色link上, Snap Preview Anywhere 就會show 俾你睇那個website的 "迷你預示版" 了!!

有d似電視機既 "畫中畫" 功能!

無需額外軟件, Pocket PC Phone 都可以把電話對話錄音

除左 Gmart 既 Pocket PC Phone 外,一般 PPC Phone要清楚地錄音電話對話, 真係非常難.

不過, 經版友的tips之後, 原來只要跟住做左呢個setup 既 "打開一鍵錄音功能" steps之後 , "錄音功能" 可以用來錄PPC phone 電話對話中對方的聲音, 而且音量夠大,聽得番!

只要係PPC Phone 的電話通話途中, "按住"錄音鍵便可, 放手即停止錄音, 試下啦!

你地有無試過教人用電腦教到"好唔耐煩"?

通過電話來教, 就算係 3G 視像電話都好:

1.你講叫佢做既野, 佢又可能唔明
2.佢話俾你聽佢見到既野, 你又可能唔明(因為佢唔識講...)

終於, 你同對方都會好唔耐煩 :(

不過多得 Logmein 呢個軟件, 就無駛麻煩.

我阿媽而家學緊電腦, 我就係佢部PC 上安裝左 Logmein 既 free version, 之後我就可以係任何一部上到網既電腦或Pocket PC phone 上, 即時見到佢部電腦所顯示緊既野, 同佢望緊佢自己個mon既野100%一樣, 而且同時我又可以即時操縱佢部電腦, 而佢又可以望住我的操作而學習. 配埋電話交談, 佢就可以學得好快, 而我又教得好有效, 唔駛成日估估下佢究竟望住d咩.

我試過, 就算我用 Pocket PC 經 EDGE/GPRS 上網, 都可以"ok"順暢的操縱對方的電腦, wifi 更加唔駛講咁順啦!

Google 都有自己的 RSS reader

用開 Newsgator 的 RSS reader, 幾好用, 但係 Pocket PC Phone 上用, 好始又要做D野 :(

剛剛發現, Google 都有 RSS reader, 叫 Google Reader, 同 其他Google 用具一樣, 簡單易用, 而且可直接係 Pocket PC phone 上用, 無需安裝任何程式, 只要係Pocket PC phone 上 既 IE 去呢個 URL 就得, 無難度!

O2 公佈係 2007 年會有幾隻勁 PDA phones!

呢個公怖係O2 會係中東推出呢幾隻機,但 who knows, 香港一向入水貨都快啦 :)

至少會有八隻機, 開始時會有以下三隻3G機:

Xda Zinc:
專為熱愛通訊人仕而設, 有 Qwerty 鍵盤, 520MHz Intel CPU, Wifi, O2 Phone Plus 及 O2 Message Plus

O2 Graphite
Smartphone (即係應該無touch screen), 可以玩視像通話及上網, 2M 鏡頭, Wifi, Direct Push.

Xda Flame
第一部有雙 CPU 的 Pocket PC Phone! 更有 NVIDIA GoForce GPU, 配上 Intel 520MHz Intel CPU, 可以勁玩game, movie及photo, screen 仲要係 3.6吋 VGA touch screen!

O2 仲會推出自己品牌既立體聲藍芽耳機, 只重 15 克.

免費 wifi 通行証

雖然我自己無join FON, 因為我仍然擔心人地用我既 broadband 上網去做非法野, 會給我自己帶來麻煩...

而且我而家用無限 GPRS/EDGE, 係車上, MTR 都可以上網, 感覺仲free!

Anyway, 有便宜梗係唔好放過 :)

有機會用下呢張野先!

今朝同太太去食個 heavy brunch

SOHO 開間 McSorley's, 有賣 Burger, 因為 send 左 email 來, 所以知道, 今日我地唔駛返工, 就諗去 Flying Pan 好, 定係去 McSorley's 好呢?

Flying Pan 好似主打係 egg benedict, 既然之前係另一度試過, 咁不如試間未去過既.

McSorley's既 burger 唔平, $88 一客, 同 Dan Ryan 差不多. Beef Burger 味道可以, 但french fries 普通, 而且等食非常耐,要成15分鐘... BBQ Chicken Sandwich 都ok, 不過如果食唔慣雞胸可能覺得太"un".

呢餐total $191, ok 啦.

PS3 試玩過了

係 188 間 GameHit 度, 有得試玩,

玩左 RR7, 畫面真係一般, 同 XBOX 無大分別, 加上出左既三隻game都唔吸引, 暫時無興趣.

幫阿媽 set 部電腦

最先要教阿媽如何開 Wordpad, 等佢可以自己多練習中文打字,

 

再教佢如何用IE 上網睇各大報紙,

 

跟住幫佢開個 Gmail email account, 教佢 check 及 send email,

 

今日再去setup 個 Logmein, 等我可以隨時隨地remote 操縱佢部PC, 幫佢 set 野或者demo 俾佢睇點去操縱部機.

 

 

阿媽用電腦

難得阿媽有興趣學電腦,做仔的我當然義不容遲,去幫阿媽弄套電腦回家,等佢有多點時間練習。

佢而家從開機學起,到中文打字,一步一步來。

為左更有趣味,教了她如何看報紙網的方法。

遲下裝個Webcam,教佢用視像聊天同用電郵!

百福芝麻糊

大既 $7, 都幾好味!

但梗係唔及中環出名既"玉葉"正啦!

媽媽學電腦

媽媽去了工聯會的電腦班學電腦,

當然係由最基本的學起,

難得的係,佢好似幾有興趣....

其實自從佢以 "神速" 由太太的指導下學成用SMS後,我覺得媽媽係有potential去學,及玩"高科技"的...

而家要諗下俾部咩電腦媽媽用...

遲下可能可以用 email及webcam 同媽媽 video chat...

太太努力的一個週末

太太要交功課,所以今個週末兩日都在家中,馬不停踶的做功課.

星期六買了我人生的第一個$xxxx 的手袋!!!! 太太請笑訥 :) 希望不會成為先例啦...

雖然咁busy, 太太仍然抽時間和我及媽媽在星期六出街食晚餐, 一享家庭樂, thank you 太太!

今日去買晚餐的材料時,見到有媽媽做過的"比目魚"賣,便買回家試下做....另外買了豬扒,

比目魚自己煮出來,果然唔錯,同媽媽做的差不多,好味 :)

無任天堂 Wii? 無Sony PS3 ?無問題! 而家就可以旭身旭勢玩手機game!

無任天堂 Wii? 無Sony PS3 ?無問題! 而家就可以旭身旭勢玩手機game!

無需要等 Wii, 無需要等 PS3, 只要你有一部有鏡頭既Pocket PC就可以!

Fishopolis 呢個game, 係一個簡單既 shooting game, 目的係射擊畫面上的魚類.

最好玩既係,佢既操縱方法係: 你要把成部Pocket PC "左令右令" 去操縱射擊的方向, 而唔係用button!!

玩呢個game時, 玩家一定會大動作"旭身旭勢",感覺就同而家睇 Wii 既 demo movie 既主角一樣!

玩緊時,背景仲會出現你部 Pocket PC 鏡頭照緊既畫面, 好似係水入面咁, 旭下旭下!

佢係利用Pocket PC 上既 camera 來判斷成部機既旭動,無需任可 "motion sensor"!! 係一個非常聰明既方法!

無論你是否喜歡打機,只係為左感受呢種全新既創新game玩法,都要試合玩呢個game!!

PC Installer

CAB Installer

今晚晚餐

估唔到 weekday 既晚餐竟然可以食到太太煎既牛扒,

仲係平靚正!

太太,辛苦你了

太太,辛苦你了

見到你經常要做功課讀書,就算辛苦工作之後都要抖住精神去上三小時的課,真係"鄧"你辛苦;

但其實,另一方面,我係好羨慕你的,因為你可以有精神,鬥志及資源去爭取更好的資歷,我自問就無咁叻,都無咁好彩了;

所以,希望你能夠堅持到底,為你的理想進發!

又學人試貴價火腿

今次係 PP 既 great 買,

對我來講, 呢D成 $55 per 100 gram 既火腿, 係好好好貴, 因為我平時只係買開$16 一包既火腿食 :)

Anyway, 今次買既係 "San Daniele Ham", 同上次既 Parma ham 唔同, 今次係即時試食左San Daniele Ham 同 Parma ham , 覺得 San Daniele Ham 比較香而且有咬口;

呢d火腿係貴,但好在可以好小好小咁買來試下!

今晚同太太去食一餐比較貴既pizza

今晚同太太去食一餐比較貴既pizza

Pizza Express 好早時同S去過, 今晚再去,特登book左 top floor, 可以一邊望住半山行人電梯, 一邊食野;

叫左3樣野: Chicken Caesar Salad, Beef Lasagne 同 Siciliana Pizza;

因為佢無免費水,所以叫左 Iced lemon tea (有無限 refill);

Iced lemon tea 好有茶香, $25 一位都可以;

Chicken Caesar Salad D 菜好香;

Beef Lasagne 好正,夠熱,芝士又好好味, 配埋D牛肉更正;

Siciliana Pizza: 唔夠上一次既 Smoked Salmon Pizza 咁 surprise, 但D tomato sause 同芝士好 match, D 銀魚就咸左dd;

最後都食唔晒, 要帶走 :)

埋單 $337, 一定唔係平, 更加唔可以話抵, 但可以作為 Pizza Hut / Pepperonis 之外既另類食 pizza 好去處, 不竟, 佢唔係個種 "大件又多料"既類型, 主流香港人未必會接受.

係PSP上玩緊既遊戲

GTA Vice City Stories 呢種,我覺得都係唔合係街上玩, 因為一個 mission 太長,

我而家就玩緊 Ridge Racer 2, Virtua Tennis 同 Gundam Battle Royale,

係 MTR, 巴士 上玩最正!

用 DC 影既香港夜景

Casio Z40, 好舊了...

香港夜景

呢張用我部 Pocket PC (Xda neo) 影既,

好耐無去旺角信和

今晚去行左一陳,

見唔到有 3 / 4 仔, 好!

有幾檔賣外國電視劇的DVD boxsets, 竟然連 Married with Children, Benny Hill, McGuyver 都有! 暫時忍左手無買...

仲有檔賣 Kitty 野...

今晚自己係旺角食晚飯...

見到名嘴真人 :)

牛肉面就唔及"易牙抄手"好食,d湯太希...

但個"盬so雞"就好好,同士林既"豪大大雞 filet" 一樣味!

11月3日任天堂 Wii 試玩會

當然係日本 ：）

用文字不能夠講出 Wii 有幾正，睇片吧 :)

http://www.youtube.com/v/EX9E5SP8LF0
http://www.youtube.com/v/WzzLGLXSvGo
http://www.youtube.com/v/n6ye_jL6Te8

巨型 strawberry

巨型 strawberry

好貴,不過真係好好味, 陳香味係packing外都聞得到!

今日好充實

早上和外父外母及太太一起去掃墓,

跟住一起去飲茶,

跟住和太太去銅鑼灣 shopping,

自己買了皮帶,太太則很忍得手,只係試左盃新口味coffee :)

跟住送太太去搭車回家,因為太太要忙著做功課及讀書,

而我則去了Sogo 買晚餐的材料, 再去行 188 / 298,

返到家, 太太依然埋頭苦幹, 而我則太纍, slept 了一陣 ZzzzZzzz,

起身之後, 先換床單+被單, 再吸塵,

之後去 Wellcome 買Melon, 以配合由 Sogo 買回來食的貴價火腿片,

返家, 原來太太經已開始煮飯...

但因為太肚餓, 所以先食了幾粒巨型 strawberry,

今日買的牛排幾好, 不過燒"召"了一點...

Corn 依然好 sweet,

最好則是新玩意 appetizer "Melon+火腿片", 果然幾似係出面餐廳食!

好充實的一天!