成7pm先去到呢度，心想唔知仲有無魚腩呢?
去到先係門口等左5分鐘位，一坐下即order，以免無晒魚腩，落單時無任何問題，心中暗暗話好彩! 果然，之後其他客order，已經被通知話魚腩賣晒!
今晚真係人多，同S等左差唔多二十分鐘先有得食! 終於，兩份魚腩雞粥及炒米粉到啦。
魚腩 - 份量多，有4至5條大大多肉既魚腩，骨大而容易睇，唔怕出意外。魚腩鮮味而彈牙，點彊蔥豉油好好味。
雞 - 係無骨雞球，有用酒調味，應該係雪既，雞味不濃。
粥 - 好小好小或者無味精，有好濃既魚味。
炒米粉 - 有肉絲，但米粉好碎，水準一般，下次可以不食。
如果想去食，記住佢星期日係唔開既 :)
沒有留言:
發佈留言