去中環「T e」食意粉

星期日同太太S去試 T e，因為之前S話聽過朋友話唔錯，當然，係女性朋友啦，上到去就知，呢類食店係一定吸引到女性的。

其實日日行人電梯返工都經過，不過唔知確實係由邊度入，原來係一間舊樓入面。

上到去，全店用全白色裝修，幾有「2001太空漫遊」既味道，又可以叫有「無菌」feel。

佢係先買飛、後等食既格局。

我叫左「海鮮茄汁意粉」、S叫左「松子意粉」、5分鐘後分別上台，

「海鮮茄汁意粉」: $68 幾有UCC 既海鮮湯意粉feel，不過送唔多，意粉夠彈牙，味道ok;

「松子意粉」: $48 原來係無送的，只有濃濃的綠色汁同幾粒松子、幾清既;

結論:
又係一間借住蘇豪區名聲吸引人去既食店，食物無咩特別，但價錢貴，唔值得去食，男人可以唔夠飽添! 如果同行係女性多既話，就可能幾buy呢類店，話晒環境靚靚地，份量又夠女仔食，而且有個份「係中環蘇豪食飯」既感覺，可能佢地會覺得抵既 :)